Matiu 20:14 - UWONBƆR A GBƆNPƆŊ LIKƆƆNL

¹⁴ Mambu yuurim a yɔr ki li chaau. N yin sei ban nan joor ki dan nan ke maah seiŋ man ni le.

Uwumbɔr aagbaŋ

¹⁴ Yoor saamombil ki li chaa kun linampal. M ban m tii puwɔb yaab ke maah tii si pu na la.

Matiu 20:14 ပူးပေါင်းရင်းမြစ်များ

Matiu 20:13

“Le ukpadaan ni jiin bi ni uba ke, ‘N jɔ pela, maa ŋaliŋi. Nan bu-n taa bi jin lidaal a yɔr le a chee?

Matiu 20:15

Naa ŋan nin n ta n ligi ki tun maah ban man naa? Bee ni jɔɔ lipiiponl le maah kaa ŋuuŋin buu?’

Matiu 6:16

“Ni ye ni lol imɔɔŋ ke, ni laa bii ni num paam ke bilinlarib kaah ŋaan man nin ni, nan bu-n bi ti bii bi num paam le, ke bininfob biɛn n kan ki biɛ ke bi lol bi mɔɔŋi le. N bei ni ibamɔn le, bi pii gaa bi yɔra.”

Matiu 6:2

“Ni ye a yin pu bilanjiim ipiin ke, a laa mɔɔn ke bilinlarib kaah ŋaan man tiwonjiɛndirin, nin isanjal bu ke bininfob n kan bi toon ŋan wee ki pag bin ni. Ibamɔn le n bei ni nan, bi pii ga bi yɔra.

Matiu 6:6

Amaa ni ye a miɛ Uwonbɔr ke, a kɔɔm a diigin ki loon linaanganl, wee ki miɛ a Baa Uwonbɔr wan gbir tibɔr woon kaarin, wee un yɔŋ.

Tibɔnyaan ti Luk ŋmee ti na 15:31

“Le u baa bei u ke, ‘N big, fin le be n ban le iyoo biɛn; le nan biɛn wee n jɔɔ, ye a yaal le.

Tibɔnyaan ti Luk ŋmee ti na 16:25

“Amaa le Abiraham nan jiin u ke, ‘N big, li tiɛr ŋaah nan be a miɛfolin ni a nan gaa a wan ŋann na, le Lazarusi mu nan gaa nan kaa ŋan na, amaa daandaan nan u ni be lifooril ni le a mu be limugil ni.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Rom Yaab 3:19

Daandaan nan ti nyi Uwonbɔr a siimin a poolin kaah len man biɛn, mi pag tenn bininfob ban nɔɔ nsiim nmɔn le, wee uba nlaa nan kan bimɔb ki fir pag niba, wee Uwonbɔr n nan ji dulinya biɛn tibɔr.

Rom Yaab 3:4

Naa ye man ni! Che Uwonbɔr ma le ye ubamɔndaan na, wee uninfosaal biɛn mu le ye tibɔkardaan na. Ke naah sɔb Uwonbɔr a gbɔŋin man nin: “Na li ŋa man wee bin ke fin Uwonbɔr a bɔr ŋan ni ye a pag ke le uba mu kaa yin fir faaŋ limɔkpel a bɔr a jimin ni.”