Matiu 2:13 - UWONBƆR A GBƆNPƆŊ LIKƆƆNL

¹³ Baah nan kun a bɔɔn le Uyudaan a malaka nan dan Josef ban tidindɔgin nin, ki bei u ke. “Fiim ki ta kibiliɛg nmɔn nin ki na ki li gu chaa Ijibir a tiŋin na, hali nin maah na li yin ni, nan bu-n ubɔr Herɔd yin ban kibigin a bol le un ku ki.”

Uwumbɔr aagbaŋ

¹³ Baah nan chaa kun na, Josef nan kan Uwumbɔr aatuun tidaŋ ponn ni. Le Uwumbɔr aatuun ngbaan bui u, “Fiin ki yoor ubo ngbaan ni una ki san buen Ijipt aatiŋ ni, ki ti li bi nima ki kiir bundaln m ga nan tuk si ke aa nya nima na. Ubɔr Herod ga li ban ubo ngbaan ke u ku u.”

Matiu 2:13 ပူးပေါင်းရင်းမြစ်များ

Matiu 1:20

Amaa waah ni nan tiɛr ni niɛ nan bu-n, le Uwonbɔr a malaka degirin u bu tidindɔgin ni, le ki nan bei u ke, “Fin Josef wan ye Defid a yaabil nan, laa san bijawaam ke a ta Meri kun ki tan ŋaa u a poo, nan bu-n waah jɔɔ lipool lan ni, Kasi a Naaŋ a pɔɔm le che u choo lipool nmɔn.

Matiu 10:23

Bi nan mugir ni kitiŋ kiba ni ke, ni nya niin wee ki lɔŋ ki tɔu; N bei ni ibamɔn le, naa li fir gɔnn Juu yaab a tim nan biɛn ni, le Uninfosaal a Big ndan.

Matiu 2:12

Tɔ, le Uwonbɔr kpaan bi tidindɔgin ni, ke bi laa ji jir ubɔr Herɔd ban ni, mambu le bi ni nan nɔɔ nsan nba ki jir kun bi tiŋ.

Matiu 2:14

Le u nan fii kunyiɛg ki ta kibigin nin ki na ki guun jon Ijibir a tiŋin,

Matiu 2:16

Herɔd kaah nan nan biɛ ke bibiɛndam nmɔn lar u le-n, liŋuul nan gbir u pam, le u tun bitɔtogib ke bi li chaa Betiliham nin kitinbum ni ki tan ku nbijabum ban kaa lagir ibin ilee biɛn na, ke waah nan baan bibiɛndamin wee bi bei u liŋmabilin kaah nyan n-yonn man ni.

Matiu 2:22

Amaa waah nan gbir ke Akeliɛsi jin nnaam ki ka u baa Herɔd a naangbann bu Judiya a tingbɔŋin ni, le bijawaam choo u nin un kun nin yaan, le Uwonbɔr ji kpaan u tidindɔgin ni ke un jir ki li chaa Galilii a tingbɔŋin na.

Lituln 10:22

Le bi jiin ke, “Kɔnelu le tun ti, u ye Rom yaab a tɔtogib a sanliiru le, ki ye uninfo buchin, ki san Uwonbɔr, le Juu yaab biɛn tenn u jilima. Kasi a malaka le dan ki nan bei u ke un yiŋ wee a dan u niin, wee un gbir nan wee a li pag sei u.”

Lituln 10:7

Malaka wan nan pag sei win kaah nan jon nin, le Kɔnelu yin u niin a toontum bilee nin u tɔtogir uba, wan nan be u ban idaa biɛn ki tun itoon ki tenn win.

Lituln 12:11

Le Piita a num wonn, le u len ke, “Daandaan nan le n nin biɛ ke ni sin ye ibamɔn le ke Uwonbɔr le tun u malaka le u dan nan nyam Herɔd a nɔɔn, ki ji nyam Juu yaab kaah bi ban bin ŋam man nin.”

Lituln 12:7

Libol nmɔn le Uyudaan a malaka degirin, le nwonween wonn kuloondiig nmɔn yaan. Le u dam dam Piita a bɔsipar ki fiin u, ki bei u ke, “Fii weema.” Le tikulorin pir ki lu.

Lituln 16:36

Le uloondiiguurin bei Pɔɔl ke, “Bibɔjib tun bi tooi ni ke n che fin nin Silasi nya kuloondiigin n-yaan na, ni li fir n nya. Ni li chaa nin nposɔɔn na.”

Lituln 5:19

Amaa lidaal a nyiɛg le Uyudaan a malaka jiirin ki nan loor kuloondiigin a naanganl, ki nyan itoon nmɔn niin.

Lituln 7:19

Le ubɔr nmɔn nan ŋmag ti ninfobin nŋmag birim, ki to bi bu takpem, ki ji mug ti yaajamin ke bin nyan bi biliɛm bi niin yin ki ta bi gaba wee bin kpo.

Tibɔkpiirkaan 12:14

Le Uwonbɔr nan ta libaanweenl takpenl a kpinkpann tilee ki sei upii nmɔn ke un yug ki jo kukunkɔɔg a paab nan yaan wee Uwonbɔr mann npaan ki guun win ke bi li jin u ki tan kpaan ibin itaa nin ligenl ki jiɛn uwaa-n wee u laa pii wi.

Tibɔkpiirkaan 12:4

Le kutunwiɛŋ nmɔn ta u jool ki tigin iŋmabil a bɔgirim a poolin mitaa nkerim nba ki jaa kutingbɔŋin, le kutunwiɛŋ nmɔn jon tan si upii wan yin maa nmɔn a nintogil ki guu, ke upii nan maa ke un ŋman kibiliɛgin.

Tibɔkpiirkaan 12:6

Le upii nmɔn guun ki jon kukunkɔɔg a paab, nan yaan wee Uwonbɔr nan mann npaan ki bil guur upii nmɔn ke bi li lig u ki tan kpaa iweehn turil nin iweehn kobilee nin iweehn piloob.