Matiu 2:12 - UWONBƆR A GBƆNPƆŊ LIKƆƆNL

¹² Tɔ, le Uwonbɔr kpaan bi tidindɔgin ni, ke bi laa ji jir ubɔr Herɔd ban ni, mambu le bi ni nan nɔɔ nsan nba ki jir kun bi tiŋ.

Uwumbɔr aagbaŋ

¹² Le Uwumbɔr nan tuk bi tidaŋ ponn ni ke bi taa ki gir buen ubɔr Herod chee. Nima pu na, bi nan dii nsan yayan le ki kun.

Matiu 2:12 ပူးပေါင်းရင်းမြစ်များ

Matiu 1:20

Amaa waah ni nan tiɛr ni niɛ nan bu-n, le Uwonbɔr a malaka degirin u bu tidindɔgin ni, le ki nan bei u ke, “Fin Josef wan ye Defid a yaabil nan, laa san bijawaam ke a ta Meri kun ki tan ŋaa u a poo, nan bu-n waah jɔɔ lipool lan ni, Kasi a Naaŋ a pɔɔm le che u choo lipool nmɔn.

Matiu 2:13

Baah nan kun a bɔɔn le Uyudaan a malaka nan dan Josef ban tidindɔgin nin, ki bei u ke. “Fiim ki ta kibiliɛg nmɔn nin ki na ki li gu chaa Ijibir a tiŋin na, hali nin maah na li yin ni, nan bu-n ubɔr Herɔd yin ban kibigin a bol le un ku ki.”

Matiu 2:19

Herɔd kaah nan nan kpo a bɔɔn, le Uwonbɔr a malaka degirin Josef bu tidindɔgin nin Ijibir a tiŋin,

Matiu 2:22

Amaa waah nan gbir ke Akeliɛsi jin nnaam ki ka u baa Herɔd a naangbann bu Judiya a tingbɔŋin ni, le bijawaam choo u nin un kun nin yaan, le Uwonbɔr ji kpaan u tidindɔgin ni ke un jir ki li chaa Galilii a tingbɔŋin na.

Matiu 27:19

Palati kaah la nan ka ji Yisa tibɔr nan, le u poo tun ntoon ke: “Nyan a nɔɔ uninfo wan kaa jɔɔ bir nan a bɔrin na, nan bu-n kunyiɛg n won dɔgin uja nmɔn a dindɔgin ti mugim pam.”

Tibɔnyaan ti Luk ŋmee ti na 2:26

Kasi a Naaŋ pii nan chinn ki kar wɔɔn u ke waa li kpo see ke u kan Uyudaan a Masiya.

Lituln 10:22

Le bi jiin ke, “Kɔnelu le tun ti, u ye Rom yaab a tɔtogib a sanliiru le, ki ye uninfo buchin, ki san Uwonbɔr, le Juu yaab biɛn tenn u jilima. Kasi a malaka le dan ki nan bei u ke un yiŋ wee a dan u niin, wee un gbir nan wee a li pag sei u.”

Lituln 4:19

Amaa le Piita nin Jɔnn jiin bi ke, “Ni ŋan nin Uwonbɔr ban nin ti chee ni mɔb bee Uwonbɔr aa, ni jiin sei ni bau.

Lituln 5:29

Le Piita nin u tooi tabin jiin ke: “Ni kpaa le nin ti chee Uwonbɔr a mɔb le ki jiɛn uninfosaal a mɔb!

1 Korenti 3:19

Dulinya nan yaab a lam ye ijɔrig le Uwonbɔr ban. Ke naah sɔb Uwonbɔr a gbɔŋin ke, “Uwonbɔr ta bilandam a lam le ki pen choo bi;”

Hiibru Yaab 11:7

Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Hiibru Yaab 8:5

Wonjiɛn bol kan yaan wee bi tun ibamɔn a toon yin ki nann le ke paab a naamin a jinjiimin. Ni niɛ bu le bi nan kpaan Moziz n-yonn man wee u na yin tii kuwonjiɛn nanboŋin ke: “Che niwann biɛn n ŋa ke maah nan wɔɔniŋ kuwonjiɛn nanboŋ kan lijɔɔl a paabin.”