Matiu 19:16 - UWONBƆR A GBƆNPƆŊ LIKƆƆNL

¹⁶ Le unaachipɔɔn uba dan Yisa ban ki nan baan u ke, “Wan wɔɔn, litoonl ŋanl li la baa wee n li tun ki nan kan limiɛfol lan kaa jɔɔ ndiɛm maa?”

Uwumbɔr aagbaŋ

¹⁶ Unachipɔɔn ubaa nan dan Yesu chee le ki nan baa u, “Umɔmɔkr, m ga tun litunyaan bayaar aan ki kan limɔfal li kaa kpa ndoon na?”

Matiu 19:16 ပူးပေါင်းရင်းမြစ်များ

Matiu 19:15

Le n-yonn man wee u ta u nɔɔ ki ma ma bi-n le u fɔr niin.

Matiu 19:26

Le Yisa lig bi chimm le ki bei bi ke, “Uninfosaal ban ni pɔɔ, amaa Uwonbɔr ma ban niwann biɛn kaa pɔɔ.”

Matiu 19:29

Le wan biɛn jiɛn u niin, bee u kpetiib, bee u watiib, bee u baa, bee u na, bee u buwaab, bee u kpaann, n yinl bu ke, u na li kan nibooli kobig, ki kan limiɛfol lan kaa jɔɔ ndiɛmi.

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Jɔnn 10:28

N sei i limiɛfol lan kaa jɔɔ diɛm le, le yaa jɔɔ yin buri; uba kaa li fir fee i n nɔɔn ni.

Jɔnn 12:25

Uja wan ban u miɛfol li lann li, le wan mu nan u miɛfol dulinya nan yaan li jɔɔ li nin n-yonn man kaa jɔɔ ndiɛmin.

Jɔnn 3:15

wee wan biɛn ŋa u yada ke u li kan limiɛfol lan kaa jɔɔ ndiɛmi.

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 5:39

Ni tinn Uwonbɔr a gbɔŋin le linunmanl ki tiɛr ke nsɔbimin bu ni li kan limiɛfol lan kaa jɔɔ diɛmi. Nsɔbim nan mu li wɔɔn siɛra maah ye wan,

Jɔnn 6:47

N bei ni ibamɔn le, wan ŋa yada jɔɔ limiɛfol lan kaa jɔɔ diɛm.

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Lituln 16:30

Le u nan ta bi ki nyan tan baan bi, “N yin ŋa ni wee ki kan feegabaa?”

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

1 Timoti 1:16

Amaa ni niɛ bu le Uwonbɔr nan sam kunyunyunbaag, ke min wan ye chinchinn a birdaau win, wee Masiya n fir wɔɔn u mɔril lan kaa jɔɔ tarig wee ni li ye limagil ki sei ban li ŋa Yisa yada ki kan limiɛfol lan kaa jɔɔ ndiɛmi.

1 Timoti 6:12

Kɔm likɔnŋanl nin yada. Li ŋmag limiɛfol lan kaa jɔɔ diɛmin, lan bu wee Uwonbɔr nan yiŋin, wee a ŋa siɛra ŋaŋ ki kpiir ki wɔɔn siɛradam takpemin.

1 Timoti 6:19

Bi ŋa man ke, bi li bil lifaal ki sei biba lan ye lifiɛl lan pɔɔ ki guu n-yonn man chaan nan, wee bin nan fir kan limiɛfol lan ye ibamɔn a miɛfol.

Taitus 1:2

yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

Taitus 3:7

U nyunyunbasanl bu le U ke tibɔr ŋan, ti na li ŋa Uwonbɔr a faajib ki jɔɔ limiɛfol lan kaa jɔɔ diɛmin a tama.

1 Jɔnn 1:2

Limiɛfol nmɔn degirin na; ti kan limiɛfol nmɔn ki jin li siɛrau, limiɛfol lan kaa jɔɔ diɛm nmɔn a bɔr le ti pag ki tenn ni nan, lan nan be Baa-n ban nin, li degirin ti buu.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

Juud 1:21

Ni li ŋmag niba Uwonbɔr a jiɛmin yaan na, ki li guu Uyudaau Yisa Masiya a nyunyunbasanl lan na yin ta ni ki kɔɔ limiɛfol lan kaa jɔɔ ndiɛmin yaan.