Matiu 17:20 - UWONBƆR A GBƆNPƆŊ LIKƆƆNL

²⁰ Le u jiin ke, “Ni yada kaah waarin bu. N bei ni le, ni ye ke ni ŋa yada hali wee yada-n foo nnyiɛnbim ke, ni li fir bei lijɔɔl ke, ‘Fii ki tan lu nan buu’, li sin bi yin fii le; niba kaa bi li pɔɔ ki sei ni.

Uwumbɔr aagbaŋ

²⁰ Le u bui bi, “Naa gaa Uwumbɔr ki kii mbamɔm. Nima le naa ŋmaa nyan li. M tuk nimi mbamɔn la, ni yaa gaa Uwumbɔr ki kii siib kina kan, ni ga bui lijool limina ke, ‘Fii nima chee,’ le li ga fii. Nibaa aan li pɔɔ ni chee. [

Matiu 17:20 ပူးပေါင်းရင်းမြစ်များ

Matiu 13:31

Le Yisa ji gaa bi libɔŋal nan ki kpiɛ ke: “Paab a naamin nann nnyiɛnbim man wee uba nan ta bun u kpaabin nin le.

Matiu 14:29

Le u jiin Piita ke, “Li chaan.” Le Piita nyan kuŋaluŋ a poolin ki tɔɔn n nyumin bu, ki piin ki choon ki too Yisa.

Matiu 17:17

Le Yisa jiin baan bi ke, “Ni daandaan nan a ninfob a kaa jɔɔ yada ki jɔɔ kuŋmaruŋ nan, n yin ŋa nii ki be ni ban ki yuura? Isaŋ iŋaa wee n li kan limɔril ki sei naa? Ta kibig nmɔn dan do ni.”

Matiu 17:19

Ni bɔɔn bu, le Yisa a bɔɔnɔɔb dan u ban bi binba, ki nan baan u ke, “Ba ŋa wee tim kaa bi fir nyan kinaanbiig nmɔn naa?”

Matiu 17:9

Baah nyan lijɔɔl a paab ki jiirin n-yonn man ni, le Yisa kpaan bi ke, “Ni laa bei uba naah kan nan ni, ki tan kpaa n-yonn man wee Uninfosaal a Big na li fii nkumin.”

Matiu 21:21

Le Yisa jiin ke, “N bei ni ibamɔn le, ni ye ni ŋa Uwonbɔr yada nin ibamɔn wee kaa biɛn u ke, ni biɛn yin tun le ke maah tun kisiig nan man nan, amaa naa ye man a binba le ni yin tun ni, ni ye ni bei lijɔɔl takpenl nan gbaa ke lin fii ki tan lu limɔgil nan yaan ke, li li fii.

Matiu 8:26

Le Yisa bei bi ke, “Nim yada parim dam nan, ba ŋa wee ni san bijawaamaa?” Le ki fii ki tiɛn nfaam nin kunyungbɔŋ n bu ke min ŋmin na, le mi sin ŋmin soon.

Tibɔnyaan ti Mak ŋmee ti na 11:22

Le Yisa bei bi ke, “Ni ŋa Uwonbɔr yadau man.

Tibɔnyaan ti Mak ŋmee ti na 11:23

Ibamɔn le n bei ni nan, wan biɛn bei lijɔɔl takpenl nan ke lin fii ki tan lu limɔgil takpenl nan yaan, wee kaa biɛn u sufu ni ke, wee ki ŋa yada ke waah len man nan li tun ke, ni sin li tun ki sei u.

Tibɔnyaan ti Mak ŋmee ti na 4:31

Mi nann nnyiɛnbim man wee uninfo ti ŋa ke un ta bu u kpaabin nin le, maa yab foo kutingbɔŋ nan yaan a wanbooli biɛn ni,

Tibɔnyaan ti Mak ŋmee ti na 9:23

Le Yisa jiin u ke, “Nn, ni ye a mu li fir ŋam yada ke, niba kaa pɔɔ ki sei wan ŋam yada ban ni.”

Tibɔnyaan ti Luk ŋmee ti na 1:37

Niba li kaa be ki pɔɔ Uwonbɔr ban ni.”

Tibɔnyaan ti Luk ŋmee ti na 17:6

Le u jiin ke, “Ni ye ni bi jɔɔ yada wee ki yaab foo nnyiɛnbim ke, ni bi li fir bei busub nan ke, ‘Ŋab ki tan ŋuun limɔgilin na,’ le busub nmɔn bi li chee ni mɔb.”

Tibɔnyaan ti Luk ŋmee ti na 18:27

Le Yisa jiin ke, “Nan pɔɔ uninfosaal ban ni kaa pɔɔ Uwonbɔr ban ni.”

Jɔnn 11:40

Le Yisa ke, “Maa beiŋ ke ni ye ke a ŋa yada ke, a li kan Uwonbɔr a pagaa?”

1 Korenti 12:9

Kasi a Naaŋ nmɔn le che biba jɔɔ yada, le ki sei biba mu ipiin yan wee bi jɔɔ teb bibaarib, Kinaaŋ kiba nmɔn a pɔɔm bu,

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

Hiibru Yaab 3:19

Ni bu, ti kan ke baa nan fir kɔɔ lifooril nmɔn yaan ni, nan bu-n bi kaa jɔɔ yada-n bu.