Matiu 16:17 - UWONBƆR A GBƆNPƆŊ LIKƆƆNL

¹⁷ Le Yisa jiin ke, “Fin Simɔnn Jona a bija nan, tikaar be a bu, nan bu-n naa ye uninfosaal le kpiir tibɔr nan ki wɔɔn niŋi, amaa n Baa wan be paab nan le kpiir ti ki wɔɔniŋ.

Uwumbɔr aagbaŋ

¹⁷ Le Yesu bui u, “Simonn, Jɔnn aajapɔɔn, Uwumbɔr aanyoor bi aa pu la. Naa ye unibɔn le kpiir kina mɔk si. Nte Uwumbɔr u bi paacham na le kpiir kina mɔk si.

Matiu 16:17 ပူးပေါင်းရင်းမြစ်များ

Tibɔnyaan ti Luk ŋmee ti na 22:32

Amaa n miɛ Uwonbɔr, fin Simɔnn bu, ke a wonjiɛnl laa jiir tumi. Le a jirin n ban ke, a pɔɔg a nabum a gbanann na.”

Jɔnn 1:42

Le ki taa u dan Yisa ban. Yisa nan lig u le ki ke, “A ye Jɔnn a bija Simɔnn le. Bi ni li yiŋ ke Sifasi” (le li labirim le ye Piita).

Jɔnn 6:45

Ni sɔb bilinlem a gbɔŋin ke: ‘Uwonbɔr na li wɔɔn bi biɛn.’ Ban biɛn pelig Baa-n kaah len man nin wee ki tinn u ban nin li dan n ban.

1 Korenti 15:50

N nabum, n bei ni le ke, tigbanann nin ncham kaa li fir kɔɔ Uwonbɔr a naamin ni, le nan bur mu kaa li fir kɔɔ nan kaa bur a naamin ni.

Galantiya 1:16

ki kpiir U bija wan be n ni-n ki wɔɔn ke n ta u ki mɔɔn ki sei ban kaa ye Juu yaabin, maa nan gbeer uba,

Efesusi 2:8

Uwonbɔr a nyunyunbasanl bu le ni kan nŋmarim, naah ŋa Yisa yada-n bu, naa ye ni tɔɔl a toon ŋan bu, ni ye Uwonbɔr a piini le,

Efesusi 3:5

Uwonbɔr kaa nan kpiir tibɔwoonkaar nmɔn ki wɔɔn n-yonn man nan jon nin a ninfobi, amaa daandaan nan Kinaaŋin kpiir tibɔwoonkaarin ki wɔɔn Uwonbɔr a kasi a tooi nin u linlema.

Efesusi 6:12

Taa kɔnn nin bininfob ban ye tigbanann nin nchamin ni, amaa ti kɔnn nin nnaam a pɔɔm, nin tininkper a pɔɔm, nin dulinya nan a bunbɔnl a pɔɔm, nin nnaanbiim man be paabin a pɔɔm.

Hiibru Yaab 2:14

Baah ye nbuwaab ki jɔɔ tigbanann nin nchamin, ni bu le Yisa mu nan kpann uninfo ke uma nin bininfob li jɔɔ tigbanann tiba, wee u kumin ke u nan bii Sintani wan ŋmag nkum a pɔɔmin,

1 Piita 5:1

Nim ban ye bininkpeeb ni sisiigin ni, n balin ni le maah ye ni ninkpekpiɛgin, wan jin siɛra Masiya a fala a jim nin min wan na li kan n tol u pag a kpiirimin nin:

1 Jɔnn 4:15

Uninfo wan chee ke Yisa ye Uwonbɔr a Bija ke, Uwonbɔr be udaan ban, le udaan mu be nin Uwonbɔr.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.