Matiu 14:5 - UWONBƆR A GBƆNPƆŊ LIKƆƆNL

⁵ Herɔd nan ban un ku Jɔnn le amaa le ki sin san Juu yaab, nan bu-n bi nan chee ke Jɔnn ye ulinlenn le.

Uwumbɔr aagbaŋ

⁵ Jɔnn aah nan len kina na, le Herod ban ke u ku u, le ki san Juu yaab ijawaan. Bi nan len ke Jɔnn ye Uwumbɔr aabɔnabr la.

Matiu 14:5 ပူးပေါင်းရင်းမြစ်များ

Matiu 11:9

Ke ni lee nan jon ke ni tan kan baa? Ulinlenn naa? N bei ni le, u jon ulinlenn na.

Matiu 21:26

Le ti mu ji san kuninfogbaluŋin bijawaam nin ti len ke, bininfob le sei u npɔɔn nmɔn, nan bu-n bininfob biɛn ŋa yada ke Jɔnn sin nan ye ulinlenn le.”

Matiu 21:32

Nan bu-n Jɔnn Wan nan Fu Bininfob Uwonbɔr a Nyunfulin nan dan ni ban ki wɔɔn ni nbuchin binben na, amaa le naa ŋa u yada, le bilanpogaab nin ban tun iwanjaab toon ni ŋa u yada. Nin naah kan nan biɛn tun nan a bɔɔn, naa kpenn ni binbem ki ŋa u yada.”

Tibɔnyaan ti Luk ŋmee ti na 20:6

Amaa ti ke, ‘Uninfosaal ban ke,’ bininfob ban biɛn be do nan li gabir ti itangbag, nan bu-n bi ŋa yada ke Jɔnn nan ye Uwonbɔr a linlenu le.”

Lituln 4:21

Baah nan kɔɔn bi bijawaam takpem a bɔɔn, le bi jaa bi ke bi li chaau, baa nan kan nsan man bu wee bi li nɔɔ ki dar bi tuli yi, nan bu-n bininfobin biɛn nan pagir Uwonbɔr le, ligaril a toon lan tun nin bu.

Lituln 5:26

Iyaayoo nmɔn le ban guu iwonjiɛn niin nin a ninkpelu nin u tabin jon ki tan ta itoon nin ki jirin. Baa nan nyan bi nin npɔɔn ni, nan bu-n bi nan san bijawaam le ke bininfobin na li gabir bi itangbag.