Matiu 13:35 - UWONBƆR A GBƆNPƆŊ LIKƆƆNL

³⁵ Le ni nan gbeen ulinlenn kaah nan pag ki ke: “N li loor n mɔb ki gaa ibɔŋal, n li pag tiwann tan nan woo hali dulinya a naan daal.”

Uwumbɔr aagbaŋ

³⁵ Waah ŋa kina na, le ni gbiin Uwumbɔr aabɔnabr aah nan len pu na ke, “M ga waar mmɔb ki ŋakl ŋiyataŋak, ki len tibɔbɔrkaan ti nan bɔr buyoonn Uwumbɔr nan naan dulnyaa wee ki nan saa dandana wee na.”

Matiu 13:35 ပူးပေါင်းရင်းမြစ်များ

Matiu 13:14

Bi ŋaar nmɔn sin nan gbeen ulinlenn Azaya kaah nan len ke: ‘Ni le yin gbaa gbir le amaa le kaa biɛri; Ni le yin ga le amaa le kaa yin biɛr ni taai.

Matiu 13:3

Le u gaa bi ibɔŋal tiwann takpemin ke, “Uja uba le nan jon bukpaabin ke un tan yaal u dii.

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 5:2

le u nan piin ki wɔɔn bi ke:

Tibɔnyaan ti Luk ŋmee ti na 10:14

Amaa tibɔr a ji daal ke ni tudaril na li jo Taya nin Sodom a ninfob yaal.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Lituln 15:18

nan wee ti pii nyi ibin yan jon.”

1 Korenti 2:7

Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

Efesusi 3:5

Uwonbɔr kaa nan kpiir tibɔwoonkaar nmɔn ki wɔɔn n-yonn man nan jon nin a ninfobi, amaa daandaan nan Kinaaŋin kpiir tibɔwoonkaarin ki wɔɔn Uwonbɔr a kasi a tooi nin u linlema.

Efesusi 3:9

ki che uninfo biɛn n mann biɛ Uwonbɔr a bɔwoonkaarin a toon kaah ye man, wee Uwonbɔr, wan nan naan niwann biɛn nin, nan ŋmag ti liwoolin n-yonn man nan jon nin.

Hiibru Yaab 1:1

Yaayoo nni, Uwonbɔr nan taar isaŋ takpem nin isan balbal le ki che bilinlem pag tenn ti yaajam,

Tibɔkpiirkaan 13:8

Bininfob ban biɛn be dulinya nan yaan wee bi yin kaa sɔb ŋa Kipeebig kan wee bi nan ku-n a miɛfol a gbɔŋin yaan dulinya nan a piimin nin, bi biɛn nan yin jiɛn kuwanbiig nmɔn le.

Tibɔkpiirkaan 17:8

Kuwanbiig kan wee a kan nin, nan be le, le kaa ji be daandaan nan ni, le ki na li nyan libogil lan nyɔɔ n-yaan ki jo nan yaan wee bi li bii u. Le kutingbɔŋ yaab ban a yin kaa sɔb be limiɛfol a gbɔŋin n-yaan dulinya a piinimin nin, bi nan kan kuwanbiig nmɔn ke ni li gar bi, nan bu-n u pii nan be, le kaa ji be daandaan nan nin, le ki ji na li dan.