Matiu 13:11 - UWONBƆR A GBƆNPƆŊ LIKƆƆNL

¹¹ Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Uwumbɔr aagbaŋ

¹¹ Le u bui bi, “Nimi le Uwumbɔr cha ni bee waanaan aabɔbɔrkaan, kaa cha bima bee.

Matiu 13:11 ပူးပေါင်းရင်းမြစ်များ

Matiu 13:10

Le Yisa a bɔɔnɔɔbin dan u ban ki nan baan u ke, “Ba ŋa wee a gaar ibɔŋal ki tenn bininfob nan naa?”

Matiu 16:17

Le Yisa jiin ke, “Fin Simɔnn Jona a bija nan, tikaar be a bu, nan bu-n naa ye uninfosaal le kpiir tibɔr nan ki wɔɔn niŋi, amaa n Baa wan be paab nan le kpiir ti ki wɔɔniŋ.

Matiu 19:11

Le Yisa bei bi ke “Naa ye uninfo biɛn le li fir nɔɔ nwɔɔm nmɔn ni, see ban wee Uwonbɔr ta sei bin a binba le li fir ŋmag.

Matiu 20:23

Le Yisa bei bi ke, “Tɔ ni sin li fir nyu n yiinyɔɔg nmɔn yaan, naa ye min le yin gann wan li kal n nɔɔjiim bee n nɔɔgami, nan bu-n kikaabol nmɔn pii ŋa sili ki guu n Baa kaah nan yin ta ban ki kaan niin n le.”

Tibɔnyaan ti Mak ŋmee ti na 10:40

Amaa naa ye min le li gann wan na yin kal nnɔɔjiim paam bee n nɔɔgami. Uwonbɔr le yin gann ban na yin kal nkaam nmɔn bu.”

Tibɔnyaan ti Mak ŋmee ti na 4:11

Le u bei bi ke, “Nim bu ke Uwonbɔr pii chinn ki kpiir ki wɔɔn ni U naam a bɔwoon kaar nna, bininfob ban kaa be U naamin ni le u gaar bi ibɔŋal.

Tibɔnyaan ti Luk ŋmee ti na 8:10

Le u ke, “Nim bu ke Uwonbɔr kpiir ki wɔɔn ni ki che nim biɛ tibɔr woon kaar ki jiin U naamin paam, amaa biba ma, n gaa bi ibɔŋal le, ‘ke bi li lig, kaa yin kan ni, ke bi gbir kaa yin biɛ ni taai yi.’

Jɔnn 6:65

Le u ji len ke, “Mambu le n nan bei ni ke uba kaa li fir dan n ban ni, man ke Baa-n li sei u nsan.”

Jɔnn 7:17

Ni ye wan gann ke un tun Uwonbɔr a bam ke, u li biɛ ke n wɔɔnimin nya Uwonbɔr ban le bee ni ye n tɔɔl a biɛm lee.

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Rom Yaab 11:25

N nabum, maa ban ni li be kaa nyi tibɔwoonkaar nan ni, tan li che ni laa donn niba naah nyi nan bu: Iziral yaab a tupɔɔm man bi ba bu-n kaa yin yuuri, amaa le ni yin be man le hali nin ban kaa ye Iziral yaabin kaah na li dan Uwonbɔr ban.

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

1 Korenti 15:51

Ni pelim man, n yin wɔɔn ni tibɔwoonkaar le. Ti biɛn nan kaa yin kpo, amaa ti biɛn na li kpenn.

1 Korenti 2:14

Wan kaa jɔɔ Kinaaŋ nmɔn kaa cheel tibɔr tan nya Uwonbɔr a Naaŋin ban ni, tibɔr nmɔn ye ijɔr leen le ki sei u, le waa li fir biɛ ti taai yi, nan bu-n ti ye kinaaŋ a leen le.

1 Korenti 2:7

Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

1 Korenti 4:1

Man bu ni ŋan bininfob li nyi ke ti ye Masiya a toontum le, Uwonbɔr ta U bɔwoonkaar ki ŋa ti nɔɔn ke ti ta pag ki bei bininfob.

1 Korenti 4:7

Ŋma che a jɔɔ nbɔgirim a tab ban naa? Ba wee a jɔɔ wee naa ye bi seiŋ lee? Ke ni ye bi seiŋ le ke, ba ŋa wee ni far igbingban ke baa pu ni lee?

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Efesusi 1:9

Le U kpiir wɔɔn ti nan wee U nan woon lol U bamin ke un tun nin Masiya, U nungbeel a ŋamin nin,

Efesusi 5:32

Ti ye tibɔr bamɔn tan woo le, amaa min pag Masiya nin biwonjiɛm a laguŋ a bɔr le.

Efesusi 6:19

Ki li miɛ ki tenn n mu ni, wee ni ye n-yonn man n nan yaar n mɔb ke, n fir kan tibɔr ki mɔɔn tibɔwoonkaar nan ki laa san bijawaami,

Kolosiya 2:2

N lol ye n che bi sufu le npɔɔg, wee bi lagin tab nin njiɛm, wee bi li jɔɔ nbiɛm man yab, wee ki li fir biɛ Uwonbɔr a bɔwoonkaar ti ma ye Masiya,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

1 Timoti 3:9

Ni kpaa le nin bi li ŋmag yada a bɔwoonkaar tan ye ibamɔn nin, wee bi sufu li ween.

Jemisi 1:5

Ni ye ni ni uba par nlam ke, u yaadaan n miɛm Uwonbɔr wan tenn bininfob nin tibuchinn wee kaa galin uba-n li ta sei u.

1 Jɔnn 2:20

Amaa Kasi daan nin kpaar nkpam ki wur ni buu, le ni biɛn nyi ibamɔn nin.

1 Jɔnn 2:27

Nim bu ke naah nan gaa likpanwuril lan nin be ni ban, ni bu naa ji ban uba nwɔɔn ni. Amaa a li ke likpanwuril nmɔn kaah wɔɔn ni niwann biɛn nin, wee likpanwuril nmɔn ye ibamɔn nin, kaa ye kularugin, a li ke likpanwuril nmɔn kaah wɔɔn ni man nin, ni li be u ban na.