Matiu 12:46 - UWONBƆR A GBƆNPƆŊ LIKƆƆNL

⁴⁶ Yisa kaah la nan be pag ki tenn kuninfogbaluŋin n-yonn man ni, le ki miin u na nin u watiib dan ki nan si nkaafiin, le ki ban bin kan u.

Uwumbɔr aagbaŋ

⁴⁶ Yesu aah bi len kinipaak ngbaan chee na, le una ni unaatiib dan nan sil lipaal ki ban ke bi len u chee.

Matiu 12:46 ပူးပေါင်းရင်းမြစ်များ

Matiu 1:18

Baah nan ma Yisa Masiya man sɔ: U na Meri nan ye Josef a jakpeŋ le, amaa baa la nan kɔɔn tabi, le bi nan kan ki miin Meri jɔɔ lipool le. Kasi a Naaŋ a pɔɔm bu.

Matiu 12:47

Le uba bei u ke, “Lig a na nin a watiib si nkaafiin ki ban bin kaŋ.”

Matiu 13:55

Naa ye kanpinta a bija-n le yen naa? Naa ye u na le bi yin Meri nnaa? U watiib le kaah ye Jemisi nin Josef nin Simɔnn nin Judasi nnaa?

Matiu 2:11

Le bi kɔɔ iniin nmɔn yaan, ki kan kibigin nin u na Meri; le bi gbaan ki jiɛn kibig nmɔn, le ki biir bi pɔgi ki nyan ipiin ki sei kibig nmɔn; ipiin nmɔn nan ye salima, nin nnyɔgkusim, nin tulaali kan wee bi yi ki ke miɛr nan.

Matiu 2:20

ki bei u ke, “Fiim ki yuur kibig nmɔn nin ki na, ki jir Iziral a tingbɔŋin, nan bu-n ban nan lol bin ku kibigin kpou.”

Tibɔnyaan ti Mak ŋmee ti na 2:21

“Uba kaa li chee ki taa litan pɔnl ki legin litan kpegili, ni ye u ŋa man ke litan pɔnlin yin chiɛ liwan kpegilin le, le libonl nmɔn n mann ki kpiɛ.

Tibɔnyaan ti Mak ŋmee ti na 6:3

Kanpinta-n le kaa yen naa? Naa ye Meri a bija-n le yen naa? U ma kaa ye Jemisi nin Josef nin Judasi nin Simɔnn a kpel n naa? U ninsiɛb le kaa be nan do nan naa?” Ni ma bu le bi yii u bɔr.

Tibɔnyaan ti Luk ŋmee ti na 1:43

Amaa ba ŋa wee Uwonbɔr ŋaam tinyɔɔr man naa, ki che n Yudaau a na dan ke un nan gɔnnimaa?

Tibɔnyaan ti Luk ŋmee ti na 2:33

Simiɛn kaah pag bi ki jiin kibig nmɔn paamin, le ni gar kibig nmɔn a ba nin ki na takpem.

Tibɔnyaan ti Luk ŋmee ti na 2:34

Le Simiɛn nan kaab jaa bi bu, le ki sin bei kibigin a na Meri ke, “Uwonbɔr gann kibig nmɔn ke u li che Iziral yaab takpem n lu yɔli u bu; le bininfob takpem mu li kan nŋmarim u bu. Uma nan yin ye limagil lan wee bininfob takpem li pag ki bii u nan;

Tibɔnyaan ti Luk ŋmee ti na 2:48

U baa nin u na kaah nan kan u niin nin, ni nan gar bi pam, le u na baan u ke, “N big, ba ŋa a ŋa man naa? Ŋaa nyi ke min nin a baa kan npoobiin hali ki choon baŋ ŋaa?”

Tibɔnyaan ti Luk ŋmee ti na 2:51

Le u nan nɔɔ bi ki jir Nazarif a tiŋin, ki chee bimɔb. Le u na ta nan biɛn ŋa nmɔn ki ŋa u sufu ni.

Tibɔnyaan ti Luk ŋmee ti na 8:10

Le u ke, “Nim bu ke Uwonbɔr kpiir ki wɔɔn ni ki che nim biɛ tibɔr woon kaar ki jiin U naamin paam, amaa biba ma, n gaa bi ibɔŋal le, ‘ke bi li lig, kaa yin kan ni, ke bi gbir kaa yin biɛ ni taai yi.’

Jɔnn 19:25

Le Yisa a na, nin u nawa, nin Meri Kolopasi a poo, nin Meri wan nyan Magidalin nan si mal Yisa a dapunpunlin.

Jɔnn 2:1

Iweehn itaa daal le bi nan jɔɔ lipiichanil Kena, kitiŋ kan be Galilii a poolin nin. Yisa a na nan be niin,

Jɔnn 2:12

Ni bɔɔn bu le u ma nin u na ki kpiɛ u nabum nin u bɔɔnɔɔb nan jir Kapeniɛm a tiŋin. Niin le bi nan tan be iweehn ilee.

Jɔnn 2:5

Le u na bei bitoontumin ke, “N bija nan bei ni man ke ni ŋa man na.”

Jɔnn 7:10

Amaa, u nabumin kaah nan jon kuchiigin a bɔɔn, le u mu nan woon ki jon, kaa ban bininfobin kan wi.

Jɔnn 7:3

le Yisa a watiib nan bei u ke, “Ni ye a nya doo le ki jo Judiya, wee a bɔɔnɔɔbin fir kan ligaril a siɛram yan wee a ŋaan.

Jɔnn 7:5

Nan bu-n u baantɔɔl a watiib kaa nan ŋaa u yada.

Lituln 1:14

Bi biɛn nan ti lagin tab le nin bipiib biba nin Yisa a na Meri, nin Yisa a watiib, ki miɛ Uwonbɔr nin potiɛl liba kaa peri.

1 Korenti 9:5

Nsan kaa be nin ti ta uwonjiɛnpii ki che u li nɔɔ ti choon ke ti toontuntab nin ti Yudaau a watiib nin Piita kaah ŋaan man n naa?

Galantiya 1:19

Maa nan kan Yisa a tooi bimiɛnin a ni uba, see ti Yudaau a waal Jemisi a binba.