Matiu 11:5 - UWONBƆR A GBƆNPƆŊ LIKƆƆNL

⁵ ke ni kan bijɔɔm ligir, le nwɔbim a taai tann le bi choon, le nkɔm a gbanann ŋaŋ, le bitukpaab gbir, le bitakpiib fii nkumin, le tibɔŋann nin nan mɔɔn ki sei bilanjiim.

Uwumbɔr aagbaŋ

⁵ ke m likr bijoom aanimbil, ki cha biwɔb, ni bikɔndam, ni bitafakpaab pɔɔk, ki fikr binib bi kpo na nkun ni, ki tuk bigiim Uwumbɔr aabɔnyaan tee.

Matiu 11:5 ပူးပေါင်းရင်းမြစ်များ

Matiu 10:8

Ni li teb bibaariba, ki li fiin bitakpiiba, ki jin che nkɔm nkan kutebug, ki nyan nnaanbiim bininfobin na. Ni gaa yɔli le, ni mu li tenn yɔliu.

Matiu 11:4

Le Yisa jiin ke, “Ni li jir ki tan wɔɔn u naah gbir man, ki kan man,

Matiu 12:13

Le u bei uja-n ke, “Tann a nɔɔu.” Le u tann, le mi jir pɔɔg ke mi miɛnin ni.

Matiu 21:14

Le bijɔɔm nin nwɔbim dan u ban iwonjiɛn niin nmɔn yaan, le u che bi biɛn kan kutebug.

Matiu 5:3

“Tikaar be ban ye bilanjiim kinaaŋin ni, nan bu-n paab a nnaamin ye bi yaal le.

Matiu 9:30

le binumbili ligir, le u kpaan bi nbamɔm ke, “Ni li nyi ni bei uba nan tun nan bu.”

Tibɔnyaan ti Mak ŋmee ti na 7:37

Le ban biɛn gbir tibɔr nmɔn, ni ŋa bi ligaril takpem, le bi len ke, “Waah ŋa nan nan, ni ŋan, u che bitukpaab gbir, le nbirim pag.”

Tibɔnyaan ti Mak ŋmee ti na 9:25

Yisa kaah nan kan ke bininfobin nan mann tir ki chaan bi ban ni, le u tiɛn kinaanbiig nbu ke, “Fin kinaanbiig tukpaabig nan, min le seiŋ bimɔb ke a nya u ni ki laa ji nyi ki jirin u ni jigin ni.”

Tibɔnyaan ti Luk ŋmee ti na 4:18

“Uyudaan a Naaŋ be nim, nan bu-n U ma kpaar nkpam jaa n bu, ke n mɔɔn u bɔr ŋan nmɔn ki sei bilanjiim. U tunim ke n pag feeja a bɔr ki sei biloondiikɔɔb, wee ki ligir bijɔɔm a num, ki nyan limugildam bi mugilin,

Jɔnn 10:25

Le Yisa jiin ke, “N nan bei na, amaa le naa ban ni ŋa yada. Ligaril a siɛram yan wee n ŋa n Baa a yinl bu-n li pag seim,

Jɔnn 10:38

Amaa ni ye ke n ŋa ni ke, naah kaa le ŋa min yada nan, ni ŋa ligarilin yadau, wee ni mann biɛ ke Baa-n be n ni, le n be Baa-n ni.”

Jɔnn 2:23

Tɔ waah nin nan be Jerusalam yuglagir a chiigin ni, bininfob takpem nan kan ligaril a siɛram yan wee u nan ŋaan nin le ki ŋa u yinl yada.

Jɔnn 3:2

Daal liba a nyiɛg le u nan dan Yisa ban le ki nan ke, “Rabbi, ti nyi ke a ye wan wɔɔnn le ki nyann Uwonbɔr ban. Nan bu-n uba kaa li fir ŋa ligaril a siɛram yan wee a ŋaan nan wee naa ye Uwonbɔr le be u ban ni.”

Jɔnn 5:36

N jɔɔ n baantɔɔl a siɛra jil ke ki kpiɛg ki jon Jɔnn kaah jin n siɛrau. Nan bu-n, litoonl lan wee Baa-n ta seim ke n tun diɛ-n, le n be tun nin, le jin siɛra ke Baa-n li nan tunim.

Jɔnn 9:7

Le ki bei u ke, “Li chaau, tan ŋunn a num Siloom a biɛŋin. (Siloom a taai le ye bi nan tun). Le bi nan ta u jon ki tan ŋunn u num, le u jir kun ki nin ga.

Lituln 2:22

Le Piita ji mann len ke, “Iziral yaab, ni gbirim nan wee n yin pag bei ni ki jiin Yisa wan ye Nazarif a ninfou npaam, ni tɔɔl nyi ke Uwonbɔr le nan che u tun ligaril nin lijinjeel a toon nin siɛra ni sisiigin.

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?