Matiu 10:4 - UWONBƆR A GBƆNPƆŊ LIKƆƆNL

⁴ nin Simɔnn wan wee bi yi u ke Zealo nin Judasi Isikariya wan nan kɔɔr Yisa nan.

Uwumbɔr aagbaŋ

⁴ ni Simonn u nan ban u kuln waatiŋ aadim na, ni Judas Iskariot u ga nan kooh Yesu na.

Matiu 10:4 ပူးပေါင်းရင်းမြစ်များ

Matiu 26:14

Iyaayoo nmɔn le Yisa a bɔɔnɔɔb piig nin bilee a ni uba, wan wee bi yi u ke Judasi Isikariya nan, jon kumanug a yudam ban,

Matiu 26:15

ki tan baan bi ke, “Ni yin seim baa wee n che Yisa nkɔɔ ni nɔɔn naa?” Le bi kan tikur a ligibim pita ki sei u.

Matiu 26:2

“Ni nyi ke iweehn ilee le gur nin yuglagir a chiig. Bi na li ta Uninfosaal a Bigin ki sei le bin kpa u lidapunpunl bu.”

Matiu 26:47

U mɔb kaa la nan lu, le Judasi wan ye u tooi piig nin bilee a ni uba, degirin nin kuninfogbaluŋ, le biba ŋmag bitɔb a jum, le biba mu ŋmag ilangul. Kumanug a yudaau nin bininkpeeb li na tun bi.

Matiu 27:3

Judasi, wan nan kɔɔr Yisa n kaah gbir ke bi yin ku Yisa n ni, le u sufu bii pam, le u ta tikur a ligibim pitaa-n ki ta jiin ki tan sei kumanug a yudam nin bininkpeebin.

Tibɔnyaan ti Mak ŋmee ti na 14:10

Man le Yisa a bɔɔnɔɔb piig nin bilee a ni u ba, wan wee bi yi u ke Judasi Isikariya nan, jon kumanug a ninkpeeb ban ke un kɔɔr Yisa.

Tibɔnyaan ti Mak ŋmee ti na 14:43

Yisa kaah la be pagin, le u bɔɔnɔɔb piig nin bilee-n a ni uba wan wee bi yi u ke Judasi nan ŋmag kuninfogbaluŋ ban wee Uwonbɔr a toontum ninkpeeb nan tun bi, bi ma nan ye kumanug a ninkpeeb nin ban wɔɔnn Uwonbɔr a siim nan nin bininkpeeb, le biba ŋmag takoobi, le biba mu ŋmag ilangul,

Tibɔnyaan ti Luk ŋmee ti na 22:3

Le Sintani nan kɔɔ Judasi wan wee bi yi u ke, Isikariya nan, wee u nan kpiɛ Yisa a tooi piig nin bilee-n yaan nin.

Tibɔnyaan ti Luk ŋmee ti na 22:47

Waah nan be ki pag nin u bɔɔnɔɔbin, le bi kan kuninfogbaluŋ chaan. Le Judasi wan nan ye u tooi piig nin bilee-n a ni uba, nan lii bi sam, le ki nan fɔɔr mal Yisa ke un poor u,

Jɔnn 13:2

Baah nan nan be ji kunyiɛg a jiirin, ki miin ulinlaril pii nan kɔɔ Judasi Isikariya, wan ye Simɔnn a bija-n, ke un kɔɔr Yisa.

Jɔnn 6:64

Amaa ni biba be kaa ŋa yada.” Npiinimin, Yisa pii nan nyi bi ma nmɔn wan kaa nan ŋa yada nin wan na li kɔɔr u.

Jɔnn 6:71

(U nan len Judasi, wan ye Simɔnn Isikariya a bija-n le, wan nan ye Piig nin bilee-n a ni uba-n, amaa ki nan nan yin kɔɔr win.)

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.

Lituln 1:25

wee un ŋa a toom ki gaa a toon yan wee Judasi ta jiɛn ki sin jon tan be nan yaan kpaan nin win.”