Matiu 10:3 - UWONBƆR A GBƆNPƆŊ LIKƆƆNL

³ Filib nin Batolomiu; Tomasi nin Matiu wan nan ye ulanpogaar nan, nin Jemisi wan nan ye Alifiu a bija nan, nin Tadiɛsi,

Uwumbɔr aagbaŋ

³ Filip, ni Batolomiu; Tomas, ni Matiu u nan gaal lampoo na; Jems u ye Alfeus aajapɔɔn na, ni Tadeus;

Matiu 10:3 ပူးပေါင်းရင်းမြစ်များ

Matiu 18:17

Ni ye ke waa chee un gbir ki sei bi ke, a wɔɔn biwonjiɛm a laguŋ; ni ye ke waa ji chee un gbir ki sei biwonjiɛm a laguŋin ke, ni nin jiɛn waah wee u li be ke naah bi li be nin ban kaa ye Juu yaab man ni, bee ulanpogaarin.

Matiu 27:56

Bi ni biba le nan ye Meri wan nyan Magidalin, nin Meri wan ye Jemisi nin Josef a na nan, nin Zebedi a poo.

Matiu 9:9

Le Yisa nyan nin yaan ki chaa, ki tan kan uja uba, le bi yi u ke Matiu, ki miin u ka u toon yin le bilanpogaab a nanbonn; le Yisa bei u ke, “Fii ki li nɔɔm ni.” Le u fii ki nɔɔ u.

Tibɔnyaan ti Mak ŋmee ti na 15:40

Le Meri wan nyan Magidalin nin Meri wan ye Jemisi big nin Josesi a na nan, nin Salomi, mu nan kpiɛ bipiib biba bu le bi si nan fɔg ki lig.

Tibɔnyaan ti Mak ŋmee ti na 2:14

Waah nan choon ki chaa-n, le ki tan kan uja uba le u yinl ye Liifai, wan nan ye Alifiu a bigin, ki miin u be u toon yin le, lampogaab a nanbonn. Le Yisa bei u ke, “Fii ki li nɔɔm ni.” Le u fii ki nɔɔ u.

Tibɔnyaan ti Mak ŋmee ti na 3:18

nin Anduru, nin Filib, nin Batolomiu, nin Matiu, nin Tomasi nin Jemisi wan ye Alifiu a bija nan, nin Tadiɛsi, nin Simɔnn wan wee bi yi u ke Zealo wee u nan kɔn u bol a kaal bu-n,

Tibɔnyaan ti Luk ŋmee ti na 18:10

“Bijab bilee le nan tan kɔɔ iwonjiɛn niin ke bin miɛ Uwonbɔr, uba nan ye, Farasii le wan gurin mu ye ulanpogaar.

Tibɔnyaan ti Luk ŋmee ti na 18:11

Le Farasii nmɔn sir ki miɛ u tɔɔl a miɛm ke: ‘Uwonbɔr, n pooriŋ, maah kaa nann n tab ban ye, ban feen, ban ŋaan tibir, ban tun iwanchɔgin toon, bee ulanpogaar nan ni.

Tibɔnyaan ti Luk ŋmee ti na 18:13

“Le ulanpogaarin ma sir dindanl kaa chee un waan lig paabi. Le ki tibin u yul ki ke, ‘Uwonbɔr, sam min tibirdaan kunyunyunbaag ni.’ ”

Tibɔnyaan ti Luk ŋmee ti na 19:2

Le uja uba be niin u yinl ye Zakiusi; u nan ye bilanpogaab a ninkpelu le ki ye uwandaan.

Tibɔnyaan ti Luk ŋmee ti na 5:27

Ni bɔɔn bu le Yisa nyan iniin nmɔn yaan ki chaa, le ki tan kan ulanpo gaar ka bilanpogaab a nanbonn, bi nan yi u ke Liifai. Le Yisa bei u ke, “Li nɔɔm ni.”

Jɔnn 1:48

Le Nataniɛl baan ke, “A ŋaa nii ki nyi maa?” Le Yisa jiin ke, “N bi kaŋ ŋaah la bi ka bikinkamin a tum wee Filib nin bi yiŋin.”

Jɔnn 11:16

Le Tomasi (ni taai le ye kijaaŋ), bei u bɔɔnɔɔtabin ke, “Ni che ti mu njo, wee ni tan ye tim nin u ma nkpo ke ti kpo.”

Jɔnn 14:22

Le Judasi (wan ye Tadiɛsi) len ke, “Amaa, Uyudaan, ba ŋa wee a yin ta a ba ki wɔɔn ti wee kaa yin wɔɔn dulinya yaabaa?”

Jɔnn 14:5

Le Tomasi bei u ke, “Uyudaan, taa nyi ŋaa chaa nan yaan ni, mambu ti yin ŋa niin ki biɛ nsan naa?”

Jɔnn 14:9

Le Yisa jiin ke, “Naa nyi maa, Filib, nin maah le nan be ni ban ni yuur man nan a bɔɔn naa? Wan biɛn kam ke u kan Baa-n na. Ni yin ŋa niin ki len ke, ‘Wɔɔn ti Baa-n’ naa?

Jɔnn 21:2

Simɔnn Piita, nin Tomasi (wan wee bi yi u ke kijaaŋin), nin Nataniɛl (wan nyann Kena kan be Galilii a tiŋin nin), nin Zebedi a naachimin, ki kpiɛ Yisa a bɔɔnɔɔb bilee bi biɛn nan lagin be le.

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.

Lituln 12:17

Le u don u nɔɔ ke bin ŋmin tifura, le ki wɔɔn bi Uyudaan kaah nyan u kuloondiigin man. Le u bei bi ke, “Ni li chaa ki tan bei Jemisi nin biwonjiɛmin nan tun nan a bɔr,” le u fɔɔr jiɛn bi ki yaar jon niba paam.

Lituln 15:13

Baah nan pag ki diɛ n-yonn man nin, le Jemisi pag paab ke: “N nabum, ni pelim man.

Lituln 21:18

Le ni won kutaag, le Pɔɔl nin tim ban gurin jon ke ti tan poor Jemisi. Biwonjiɛn ninkpeebin mu nan be niin.

Galantiya 1:19

Maa nan kan Yisa a tooi bimiɛnin a ni uba, see ti Yudaau a waal Jemisi a binba.

Galantiya 2:9

Jemisi nin Piita ki kpiɛ Jɔnn ban wee bi lig ki miin bi ye bininfojabin, bi tɔɔl nan biɛ ke Uwonbɔr le seim itoon gannkaa nmɔn; ni ma che bi nan sei min nin Banabasi inɔɔ. Ni ma nan ye chee sei tab a nɔɔseil. Tim nin bi ma nan chee sei tab ke min nin Banabasi li mɔɔn tibɔŋannin ki tenn ban kaa ye Juu yaaba, wee bi mu li mɔɔn ti ki tenn Juu yaab.

Jemisi 1:1

Min Jemisi wan ye Uwonbɔr nin Uyudaan Yisa Masiya a yomu-n: N poor Uwonbɔr a ninfob ibol piig nin ilee yan yal be dulinya nan a logi ina nan biɛn nin.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin: