Matiu 10:22 - UWONBƆR A GBƆNPƆŊ LIKƆƆNL

²² Uninfo biɛn na li nan ni. Naah nɔɔ min bu; amaa wan nan fir sir nin nton nan a joorim ke, u li kan nŋmarim.

Uwumbɔr aagbaŋ

²² Le binib mɔmɔk ga li nan nimi m pu. Unii umɔk jin limɔr ki dii mi ki ti saa limɔfal aadoon na, uma le ga ŋmar.

Matiu 10:22 ပူးပေါင်းရင်းမြစ်များ

Matiu 10:39

Wan jɔɔ u miɛfol ki debin ni, na li lann li, amaa wan mu kaa debin u miɛfol n bu ke u na li kan li.

Matiu 24:13

Amaa wan nan sir kenken ki tan kpaa ndiɛm ke u li kan feegab.

Matiu 24:9

“N-yonn nmɔn bi na li choo ni ki jin ni fala, ki ku ni, le kutingbɔŋ biɛn nan yin nan ni le naah nɔɔ min bu.

Matiu 5:11

“Tikaar be nim ban wee bininfob sugir, ki mugir, ki por tibɔkar tan bir biɛn ki tenn ni-n bu.

Tibɔnyaan ti Mak ŋmee ti na 13:13

Le bininfob biɛn na yin nan ni le naah nɔɔm n bu. Wan mu nan fir ki jin fala nmɔn ki tan diɛ ke, u yaa daan mu li kan nŋmarim.

Tibɔnyaan ti Luk ŋmee ti na 21:17

Bininfob biɛn na li nan ni min bu.

Tibɔnyaan ti Luk ŋmee ti na 21:19

Ni si kenken ke ni li kan limiɛfol.

Tibɔnyaan ti Luk ŋmee ti na 6:22

Tikaar be ni bu, n-yonn man wee bininfob nan ni, n-yonn man wee bininfob wiɛr ni, ki sugir ni, kaa ban ni yin tibir bu-n, Uninfosaal a Bigin bu.

Tibɔnyaan ti Luk ŋmee ti na 8:15

Amaa man mu lu ntanŋam a bol nmu nann bininfob ban jɔɔ gbir sei nin ban a sufu ŋan, ban gbir tibɔr, ki ŋmag ti kenken, ki jɔɔ nnyiginim le ki lo iloon.

Jɔnn 17:14

Min le ta A mɔleen yin ki sei bi le dulinya yaab nan bi, nan bu-n baa ji ye dulinya yaab jigin ke maah kaa ye dulinya a ninfou man nin.

Jɔnn 7:7

Dulinya nan a ninfob kaa li fir nan ni, amaa bi nan min le, nan bu-n n ji siɛra ke bi toon ye titoonbir le.

Lituln 9:16

N li wɔɔn u naah kpaa talar nin un ji fala N yinlin bu man.”

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

2 Korenti 4:11

Tim ban fo nan, ti be nkum a nɔɔn le Yisa bu, naah li ŋa man wee u miɛfol n kpiir ti gbanann nin.

Galantiya 6:9

Mambu ni laa che ti bag itoon ŋan a tum bu, ni ye taa jiɛn itoon ŋan a tum ke ti na li kan tinyɔɔr n-yonn man chaan nan.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 6:11

Ti ban ni biɛn li jɔɔ inunman le hali nin ndiɛm, wee nin che naah jɔɔ tama nan bu-n nin sin ŋa ibamɔn.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

1 Jɔnn 3:13

Ni laa che nin gar ni, n nabum, ni ye dulinya yaab nan ni ke.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 2:17

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u kulɔŋ a boroboro kan woo-n, wee bi yi ke maana-n. N mu ji li sei u litangbag penl lan wee liyinl pɔnl sɔb paan li bu, le wan gaa litangbagil nmɔn a binba le li nyi liyinl nmɔn a taai.”

Tibɔkpiirkaan 2:26

Wan fir nyaŋ ki tun maah ban man hali ki nan kpaa ndiɛm ke, n li sei u tininkper a pɔɔm wee un ŋmag ibol biɛn.

Tibɔkpiirkaan 2:3

Ni jɔɔ limɔril le ki jin fala n yinl bu, amaa le naa bagi.

Tibɔkpiirkaan 2:7

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u npaan wee un ji limiɛfol a siig a looi, yan be Uwonbɔr a kpaabin.”

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.