Tibɔnyaan ti Luk ŋmee ti na 8:3 - UWONBƆR A GBƆNPƆŊ LIKƆƆNL

³ le biba mu ye Kuza a poo Joana nin Suzaana nin bipiib takpem. Kuza nan ye ubɔr Herɔd a niin a toontunn ninkpelu le, Le bi biɛn nan jɔɔ bi tɔɔl tɔɔl a wan yɔɔr ki tenn Yisa, ki ter u ma nin u bɔɔnɔɔbin biɛn.

Uwumbɔr aagbaŋ

³ Bi ponn ni ubaa mu ye Joana, u ye Ubɔrkpaan Herod aatutunn Chusa aapuu na. Ubaa mu ye Susana. Bipiib biken mu nan bi ki dii u ki wiir. Le bi mɔmɔk di baawan ter u ni waakpambalb.

Tibɔnyaan ti Luk ŋmee ti na 8:3 ပူးပေါင်းရင်းမြစ်များ

Matiu 14:1

Iyaayoo nmɔn le Galilii a bɔrbig Herɔd nan gbir Yisa a bɔr bu,

Matiu 14:3

Tɔ, Herɔd pii nan choo Jɔnn ki lol u ki ta u ki ŋa kuloondiigin, Herɔdiya wan ye u waal Filib a poo-n bu,

Matiu 14:6

Le ubɔr Herɔd a maa daal nan foo, le Herɔdiya a bisa nyann ki nan waa bi nintogil, le ni mɔŋ ubɔr Herɔd takpem,

Matiu 2:11

Le bi kɔɔ iniin nmɔn yaan, ki kan kibigin nin u na Meri; le bi gbaan ki jiɛn kibig nmɔn, le ki biir bi pɔgi ki nyan ipiin ki sei kibig nmɔn; ipiin nmɔn nan ye salima, nin nnyɔgkusim, nin tulaali kan wee bi yi ki ke miɛr nan.

Matiu 20:8

“Naah nan bɔŋ n-yonn man ni, le ukpadaan bei u toontum a ninkpelu ke, ‘Li chaa ki tan yin bikpaabin ni, ki nan yɔ ba. A yin yɔ bi ke, a tan piin ki li yɔ ban yɔɔn foon ni, ki tan joor ban bi chinn foon ni.’

Matiu 25:40

“Le ubɔrin mu na li jiin ke, ‘N bei ni ibamɔn le, naah nan tun man ki tenn n nabum ban waarin, ni nan ye min le ni nan tun ki tenn.’

Matiu 26:11

Bilanjiim man li gbaa be ni ban, amaa min kaa yin gbaa be ni ban ni.

Matiu 27:55

Le bipiib takpem ban nan nɔɔ Yisa ki nyan Galilii ki nan ter win, nan si nan fɔg le ki lig nan tun nmɔn.

Tibɔnyaan ti Luk ŋmee ti na 24:10

Meri wan nyan Magidalin, nin Joana, nin Meri wan nan ye Jemisi a na nan, nin ban nan be niin kpiɛ-n li nan tan bei Yisa a tooi nmɔn ni niɛ biɛn.

Jɔnn 12:6

Naa ye u baga le nan be bilanjiim bu le u nan len man ni, amaa u nan ye unaayig le; nan bu-n waah nan gu ilig a pɔgilin, u nan ti nyann nan be niin nin le ki jɔɔ ter u ba.

Lituln 13:1

Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl.

2 Korenti 8:9

Ni nyi ti Yudaau Yisa Masiya a nyunyunbasanl kaah ye man. U nan ye uwandaan le, amaa nim bu le u kpann faladaan, naah li ŋa man wee u fala nmɔn n che ni kpann biwandam.

Filipi 4:22

Uwonbɔr a ninfogannkaab biɛn poor ni, naah tɔɔ ban bu ubɔr Siiza a niin yaab ke n poor ni nbamɔma.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.