Tibɔnyaan ti Luk ŋmee ti na 8:15 - UWONBƆR A GBƆNPƆŊ LIKƆƆNL

¹⁵ Amaa man mu lu ntanŋam a bol nmu nann bininfob ban jɔɔ gbir sei nin ban a sufu ŋan, ban gbir tibɔr, ki ŋmag ti kenken, ki jɔɔ nnyiginim le ki lo iloon.

Uwumbɔr aagbaŋ

¹⁵ Mu lir kitiŋ ki ŋan na ponn ni na le ye binib bi aasui ŋan ki ye mbamɔn na, ki ŋun Uwumbɔr aabɔr, ki joo ti mbamɔm, ki kpa limɔr, ki dii Uwumbɔr kaa di cha na.”

Tibɔnyaan ti Luk ŋmee ti na 8:15 ပူးပေါင်းရင်းမြစ်များ

Matiu 24:13

Amaa wan nan sir kenken ki tan kpaa ndiɛm ke u li kan feegab.

Tibɔnyaan ti Luk ŋmee ti na 11:28

Le U jiin ke, “Tikaar be bininfob ban gbir Uwonbɔr a bɔr ki chee ti nan bu,”

Tibɔnyaan ti Luk ŋmee ti na 6:45

Uninfo ŋan tun itoon ŋan le, nan bu-n u sufu ni ŋan le, le kuninfobiig mu tun titoonbir, nan bu-n u sufu ni kaa ŋan ni. Nan bu-n nan gbee uninfosaal a sufu ni, ni ma le u pag.

Tibɔnyaan ti Luk ŋmee ti na 8:14

Man mu lu ikunkon ni nan, nann bininfob ban gbir Uwonbɔr a bɔr wee ki sin ji che bi sufu be dulinya nan a njɔɔm nin linunchɔril bir lan be dulinya nan yaan ni, ti nyagin Uwonbɔr a bɔr n bu le bi sufu ni, le taa yin lo iloon ni.

Tibɔnyaan ti Luk ŋmee ti na 8:16

“Uba kaa nyɔɔ fila wee ki ta kiyiikpoŋ chigin ki bu, bee ki ta siin gadu a lɔŋin ni. See ke u taa tɔɔn niwann nan kper bu, wee bininfob ban biɛn kɔɔn ke, bi kan nwonween nin.

Jɔnn 14:15

Ni ye ni jiɛm ke, ni li chee maah bei ni man.

Jɔnn 15:10

Ni ye ke ni chee sei n siimin ke, ni li be nin n jiɛmin yaan, ke maah chee sei n Baa a siimin man wee ki be u jiɛmin yaan man nin.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

Rom Yaab 7:18

N nyi ke niwaŋann niba kaa be n sufu-n ni, ti ma ye n binben biimin yaan. Nan bu-n, n bi ban n tun nan ŋan, amaa maa yin fir tun ni.

Rom Yaab 7:4

Ni bu, n nabum, ni tɔɔl kpo ki sei nsiimin na, Masiya a gbanann nin bu, ke ni fir ŋa Masiya wan nan fii nkumin nin kaah ye ban, na li ŋa man wee ti lo iloon ŋan ki sei Uwonbɔr.

Rom Yaab 8:25

Amaa ni ye ti jɔɔ tama taah kaa la jɔɔ tiwann tan nin bu ke, ti jɔɔ limɔril le ki guu ti.

1 Korenti 7:19

A jii ke ni ye yɔli le, ŋaa ti ji jii ke ni ye yɔli le. Nan kpaa talar ye ni ŋmag Uwonbɔr a siimin le.

Efesusi 2:8

Uwonbɔr a nyunyunbasanl bu le ni kan nŋmarim, naah ŋa Yisa yada-n bu, naa ye ni tɔɔl a toon ŋan bu, ni ye Uwonbɔr a piini le,

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

Kolosiya 1:6

wee ki dan ni ban nin. Tibɔŋann nmɔn lo iloon le ki yabirig dulinya nan yaan biɛn, ke naah nan ti tun man ni sisiigin lidaal lan wee ni nan gbir ti, ki biɛ Uwonbɔr a nyunyunbasanlin nin libamɔn yan be ipoolin nin biɛn.

Hiibru Yaab 10:36

Ni ŋan nin ni li jɔɔ limɔril wee ni nan fir tun Uwonbɔr a bam ke, ni li kan nan wee U nan siin limɔsiinl ke U li sei nin.

Hiibru Yaab 2:1

Mambu ni kpaa talar le nin ti li ŋmag ibamɔn yan wee ti nan gbirin, wee niba laa ta ti ki nya ibamɔn nmɔn yaan ni.

Jemisi 1:4

Ni kpaa le nin limɔril n diɛ mi toonl wee nin che ni gbee bininfob nbamɔm, wee niba n laa par ni.

1 Jɔnn 2:3

Ti nyi ni ye ti chee Uwonbɔr a siimin ke, ni ma li che ti biɛ U.