Tibɔnyaan ti Luk ŋmee ti na 8:13 - UWONBƆR A GBƆNPƆŊ LIKƆƆNL

¹³ Man mu nan lu kutintiɛg nan bu mu nann bininfob ban gbir n bɔr nin npopeen, wee ta laa jiir bi sufu ni nbamɔm n le; bi ŋa Uwonbɔr yada n-yonn wama nan le, tɔ, le nton pii bi ke, le bi yii n nɔɔm.

Uwumbɔr aagbaŋ

¹³ Mu lir ntakpateer pu na le ye binib bi ŋun Uwumbɔr aabɔr ki gaa ti ni mpopiin na. Bi mu aa gaa ti bisui ni mbamɔm. Bi gaa Uwumbɔr ki kii ni yunn siib; tɔ, ntɔŋ yaa pii bi kan, le bi ga di u lii.

Tibɔnyaan ti Luk ŋmee ti na 8:13 ပူးပေါင်းရင်းမြစ်များ

Tibɔnyaan ti Mak ŋmee ti na 6:20

Nan bu-n, Herɔd nan san Jɔnn le, u nan nyi Jɔnn kaah ye upoopendaan wan san Uwonbɔr. Mambu le u nan fee Jɔnn ki jaa. Jɔnn kaah nan mɔɔn Uwonbɔr a bɔr nmɔn Herɔd nan pelig le, ni nan bii u sufu pam, amaa le u le pɔɔn uba ki pelig u bɔr nmɔn.

Tibɔnyaan ti Luk ŋmee ti na 8:12

Le ndibim man lu nsan nan nann bininfob ban gbir n bɔr wee ulinlaril dan ki nan choo nyan bi sufu ni ke bi laa ŋaam yada wee ki nan kan fee jaa nan.

Tibɔnyaan ti Luk ŋmee ti na 8:14

Man mu lu ikunkon ni nan, nann bininfob ban gbir Uwonbɔr a bɔr wee ki sin ji che bi sufu be dulinya nan a njɔɔm nin linunchɔril bir lan be dulinya nan yaan ni, ti nyagin Uwonbɔr a bɔr n bu le bi sufu ni, le taa yin lo iloon ni.

Jɔnn 15:2

U gaar ibon yan biɛn be nni wee kaa lo iloon nin le ki jaar, le ki mann gbar ibon yan biɛn lo iloon nin wee yin mann lo iloon.

Jɔnn 15:6

Ni ye wan biɛn kaa lagin be nin min ke, u nann nbon man bi gaa jaa wee mi koor le; ibon nmɔn a bosu le bi pii, ki jaar nŋmi-n le yin gaa boor.

Jɔnn 5:35

Jɔnn le nan ye fila kan gaan ki sei ni nwonween, le ni nan gann n-yonn nba ki ji nwonween nmɔn a mɔm.

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

1 Korenti 15:2

Tibɔŋann nan bu ni ŋmara, ni ye ni ŋmag tibɔr tan wee n nan mɔɔn sei ni nbamɔm ke. Naa ye man ke ni yada li gab yɔli.

Galantiya 3:1

Nim Galantiya yaab, tijɔri nan! Unyɔgdaan u la baa ŋmarin ni sufuu? Yisa Masiya a kum lidapunpunlin bu a bɔr nan kar ki wɔɔn ni npaan nin ni tɔɔl a numin.

Galantiya 3:4

Naah jin fala wan takpem nan ye yɔli lee? Ke ni sin ye ke ni ye yɔli ke,

Efesusi 3:17

wee Masiya li be ni sufu-n ni yada bu. Le n miɛ u ke un che ni fir ki sir nbamɔm ki baan inyaan njiɛmin,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 2:7

ki baan inyaan ki yabig nin uma, ki pɔɔg ni yada-n ke baah nan wɔɔn ni man nin, ki che ni nɔɔpoog li yaba ki tenn Uwonbɔr.

1 Tesalonika 3:5

Ni ma bu ni che maah kaa ji nan na li fir ŋmag n ba-n, le n nan tun ke bin nan lig ni yada kaah si man. N nan san bijawaam le ke, nba ke ulinlaril n par lar ni wee ti yaa baginn n gab yɔli.

1 Timoti 1:19

Li ŋmag a yada nin a potiɛŋamin na. Biba nan yii mi le ki che bi yada bii.

Hiibru Yaab 10:39

Amaa tim kaa ye ban sul jir bɔɔn wee ki gab yɔli nni, amaa ti ye ban ŋa yada nin ban kan feegabin le.

Jemisi 2:26

A li ke tigbanann tan kaa jɔɔ kinaaŋ kaah ye tigbanann kpiinn man nin, man le yada a ŋaam kan kaa tun itoon mu ye yada kpiiŋ.

2 Piita 2:20

Ni ye baah nyan dulinya nan a ŋmaruŋin, baah nyi ti Yudaau nin ti feeru Yisa Masiya-n, wee ni ye kuŋmaruŋ nmɔn ji choo bi ki nyaŋ bi ke, bi joorim na li bir ki jo bi piinim.

2 Piita 2:22

Le bi ŋaar nmɔn wɔɔn ke ibɔŋal yan bi gaa-n ye ibamɔn le: Yan len ke, “Kibɔg wul ke ki jir tan ji ki wulin nin le,” le “Udool mu fun nnyum ke, u ji jir le ki tan fu nnyunbunyiɛm.”

1 Jɔnn 2:19

Bi nyan ti ban na, amaa baa sin ye ti yaabi. Bi bi ye ti yaab ke, bi bi li paar ti ban; amaa baah nyan ti ban nin nmɔn le wɔɔn ke bi ni uba kaa ye ti yaa wi.

Juud 1:12

Bininfob nan ŋaan ni mɔkpaam a jiirin le tijaginn, bi lagin ji nin ni le ke ifa kaa jɔɔ bi, bi ye bipeekpaab ban jinn biba le ki jiɛn tiwankor. Bi nann titalangbann tan kaa jɔɔ utaal wee ntafaam daar mi chaa-n le, ki nann lipiɛl a siigi yan a far soor wee yaa jɔɔ iloon nin ki ŋab lu, wee ki kpo nfim milee-n.