Tibɔnyaan ti Luk ŋmee ti na 7:40 - UWONBƆR A GBƆNPƆŊ LIKƆƆNL

⁴⁰ Le Yisa jiin u ke, “Simɔnn n jɔɔ limɔbonl liba le ki yin beiŋ, le Simɔnn jiin bei u ke, “Wan wɔɔn, beim ni.”

Uwumbɔr aagbaŋ

⁴⁰ Le Yesu tuk Farisii aanii ngbaan ke, “Simonn, m ban m bui si tibɔr tibaa la.” Le u bui u, “Umɔmɔkr, lem.”

Tibɔnyaan ti Luk ŋmee ti na 7:40 ပူးပေါင်းရင်းမြစ်များ

Matiu 26:49

Judasi kaah nan foon n-yonn man ni le u jon Yisa ban weem ki tan poor u ke, “Wan wɔɔn, a nyiɛg.”

Matiu 7:22

Lidaal nmɔn nan foo ke, bininfob takpem na yin yim le ki ke, ‘Uyudaan, Uyudaan, taa nan pag ilinlen leen a yinl buu? Naa ye a yinl bu le ti nan nyan nnaanbiim bininfobin, ki ji tun ligaril a toon yin naa?’

Tibɔnyaan ti Luk ŋmee ti na 18:18

Uninkpel uba nan baan Yisa ke, “Wan wɔɔn ki ŋan, n yin ŋa nii wee ki nan kan limiɛl lan kaa jɔɔ ndiɛm maa?”

Tibɔnyaan ti Luk ŋmee ti na 5:22

Yisa nan biɛ baah tiɛr man na, le ki baan bi, “Ba ŋaa wee ni tiɛr man ni sufu ni naa?

Tibɔnyaan ti Luk ŋmee ti na 5:31

Le Yisa jiin bi ke, “Ban pɔɔ kaa ban utebiri, see ban bu-n.

Tibɔnyaan ti Luk ŋmee ti na 6:8

Amaa Yisa nan nyi baah tiɛr man, le ki bei uja wan a nɔɔ kpo nan ke, “Fii sir bininfob nan a nintogila.” Le u fii ki tan sir niin.

Tibɔnyaan ti Luk ŋmee ti na 7:39

Farasii a jau wan nan yin Yisa nan kaah nan kan man, u nan tiɛr u sufu ni le ke, “Uja nan bi ye ulinlenn ke, u bi li biɛ upii wan maar u nan kaah ye wan, ke u ye tibir daan le.”

Tibɔnyaan ti Luk ŋmee ti na 7:41

Le Yisa bei u ke, “Bijab bilee le nan jɔɔ wan peŋ bininfob ilig a pɔnl. Uba nan jɔɔ u pɔnl nkpalam kobiŋmu, le utɔ mu jɔɔ nkpalam piŋmu.

Jɔnn 13:13

Ni yim ‘Wan wɔɔn’ le nin ‘Uyudaan’, le ni ye ibamɔn, nan bu-n maah ye wan le yen.

Jɔnn 16:19

Le Yisa nan kan ke bi ban bin baan u le ni taai, le u bei bi ke, “Ni baan tab le maah len ke ‘Ni kpiɛ wama ke naa ji yin gami, le ni bɔɔn bu ke ni li kamin’ a taai yaa?

Jɔnn 16:30

Daandaan nan ti kan ke a nyi niwann biɛn hali kaa ji ban u ba n baaniŋ ibinbaan ni. Ni ma che ti ŋaaŋ yada ke a nyann Uwonbɔr ban le.”

Jɔnn 3:2

Daal liba a nyiɛg le u nan dan Yisa ban le ki nan ke, “Rabbi, ti nyi ke a ye wan wɔɔnn le ki nyann Uwonbɔr ban. Nan bu-n uba kaa li fir ŋa ligaril a siɛram yan wee a ŋaan nan wee naa ye Uwonbɔr le be u ban ni.”