Tibɔnyaan ti Luk ŋmee ti na 6:42 - UWONBƆR A GBƆNPƆŊ LIKƆƆNL

⁴² A ŋa nii, ki bei a kpiɛg ke “N jɔ, che n nyan lidabul lan be a numbil ni nan, le kaa sin gar lidagenl lan be a tɔɔl a numbil ni nan naa? Fin ulinlaril nan, choo ki nyan lidagenl lan be a numbil ni, wee ki nin fir kan nbamɔm ki nyan lidabul lan be a kpiɛg a numbil ni.

Uwumbɔr aagbaŋ

⁴² Aa yaa kaa waa jaatɔlk u bi aabaa aanimbil ni na kan, aa ga tee ŋa kinye ki bui aana aabo ke, ‘Nna aabo, cha m nyan lidɔchɔl li bi aanimbil ni na?’ Sin uŋmaŋmann, chuu nyan jaatɔlk u bi aanimbil ni na waahr, aan ki li waa mbamɔm, aan ki nan nyan aana aabo yaan ni lidɔchɔl.”

Tibɔnyaan ti Luk ŋmee ti na 6:42 ပူးပေါင်းရင်းမြစ်များ

Matiu 26:75

Le Piita nin tiɛr Yisa kaah bi bei u tibɔr tan nin ke: “Ukooja kaa la li mɔ le a niɛ nfimitaa ke ŋaa nyimi.” Le Piita nyan nkaafiin ki tan mɔɔ takpem.

Matiu 7:3

“A ŋa nii kan lidabul lan be a kpiɛg a numbim ni naa, wee kaa kan lidagenl lan be a numbilin naa?

Matiu 7:4

Ke a yin ŋa nii ki bei a kpiɛg ke, ‘Che n nyan lidabul lan be a numbilin nan,’ wee isaŋ biɛn lidagenl be a tɔɔl a numbilin naa?

Tibɔnyaan ti Luk ŋmee ti na 13:15

Le Uyudaan jiin u ke, “Nim bilinlarib nan! Ni ŋma kaa loor ni naau bee ni boŋ ki ta jo nkpen ki tan nyun ki likpakɔɔl daal laa?

Tibɔnyaan ti Luk ŋmee ti na 22:32

Amaa n miɛ Uwonbɔr, fin Simɔnn bu, ke a wonjiɛnl laa jiir tumi. Le a jirin n ban ke, a pɔɔg a nabum a gbanann na.”

Tibɔnyaan ti Luk ŋmee ti na 6:41

“Ba ŋa wee a kan lidabul lan be a kpiɛg a numbil ni, wee kaa sin kan lidagenl lan be a baantɔɔl a numbil ni nan naa?

Tibɔnyaan ti Luk ŋmee ti na 6:43

“Kisiŋaŋ kaa lo tiloonbiri, le kisibiig mu kaa lo iloon ŋan ni.

Lituln 13:10

“A ye ulinlar a big le, ki ye nan ŋan biɛn a dataag! A gbee nin kularug le iyoo biɛn nin nbiin. A li jiɛn ki laa labir Uyudaan a bamɔn yin ki ŋa ti tibɔkaraa?

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 8:21

Ŋaa tun niba ti toon nan yaan ni, nan bu-n a sufu kaa be nbamɔm nin Uwonbɔr i.

Rom Yaab 2:1

Mambu, fin, wan jin a kpiɛ tibɔr nan, ŋaa jɔɔ nsan man wee a li nɔɔ ki ke ŋaa nyi, ni ma bu ŋaah nɔɔ nsan man bu wee ki jin a kpiɛg tibɔrin, a tɔɔl jɔɔ igalin, nan bu-n fin wan jin a kpiɛg tibɔrin tɔɔl tun man le.

2 Korenti 5:18

Ni niɛ biɛn nyan Uwonbɔr ban le, u ma che ti jir mɔŋ nin U Masiya bu, le ki sei ti jir mɔŋ a toon.

2 Timoti 2:21

Ni ye uninfo ŋmag uba nin tibuchinn kaa tun tibir ke, bi li ta u ki tun ibuchin toon, yan ye kasi, ki ŋan sei Uyudaan wee ki ŋa sili nin un tun itoon ŋan nin ke.

2 Piita 1:9

Amaa ni ye wan kaa jɔɔ nbinben nan ke, udaan a num kaa ga nan fɔgi u jɔɔn na, ki pii tam ke Masiya nan ŋunn u bir kpegirin na.