Tibɔnyaan ti Luk ŋmee ti na 6:37 - UWONBƆR A GBƆNPƆŊ LIKƆƆNL

³⁷ “Ni laa ji bininfob tibɔr wee bi nan laa ji ni tibɔri. Ni laa bii bininfobi wee bi mu laa nan bii ni. Jiɛn per bininfoba wee bi mu nan jiɛn per ni.

Uwumbɔr aagbaŋ

³⁷ “Ni taa ji binib tibɔr, le Uwumbɔr mu aan ji nimi tibɔr. Ni taa galni binib, le Uwumbɔr mu aan galn nimi. Ni di cha pinn binib man, le Uwumbɔr mu ga di cha pinn nimi.

Tibɔnyaan ti Luk ŋmee ti na 6:37 ပူးပေါင်းရင်းမြစ်များ

Matiu 18:30

“Amaa le waa chee, le ki che ke bi ta u ŋa kuloondiigin, ke see u nan yɔn u pɔnlin le u ni nya u.

Matiu 5:7

Tikaar be binyunyunbasam bu, nan bu-n bi ma le bi na li san kunyunyunbaag.

Tibɔnyaan ti Mak ŋmee ti na 11:25

Ni ye ni yin miɛ Uwonbɔr ke, wee ki tiɛr ke uba tun ki bii ni ke, jiɛn per wa, wee ni baa wan be paab nan mu li jiɛn ni toonbir per ni.

Tibɔnyaan ti Luk ŋmee ti na 23:16

Mambu n li dar u tul wee ki jaau.”

Tibɔnyaan ti Luk ŋmee ti na 6:36

Ni li jɔɔ linyunyunbasanl ke ni Baa kaah jɔɔ linyunyunbasanl man nin na.

Lituln 3:13

Uwonbɔr wan nan ye Abiraham nin Azig nin Jekɔb nin ti yaajam a Wonbɔru nan, U ma ye wan don U toon tun, Yisa le ni ta u ki ŋubin bi yudam a nɔɔn ke bin ku u, le Palati nan bigin un jaa u, le ni ji yii u Palati a nintogil.

Efesusi 4:32

Ni li ŋaan tab tiŋanna, ki li san tab kunyunyunbaaga, ki li jiɛn tab a bir ki per ke Uwonbɔr kaah jiɛn per ti Masiya bu man nin.

Kolosiya 3:13

Ni li jɔɔ limɔril nin taba, wee ki jiɛn per tab a galin, ki jiɛn per tab ke Uyudaan kaah jiɛn per ni man nin.

Jemisi 2:13

nan bu-n, ban kaa san bikpiɛtiib kunyunyunbaagin, Uwonbɔr mu na li ji bi tibɔr kaa yin san bi kunyunyunbaagi. Linyunyunbasanl jon tibɔr a jima.

Jemisi 5:9

Ni laa ŋulin nin tabi, n nabum, ni ye man ke bi na li ji ni tibɔr. Ubɔjirin si ntimɔsan!