Tibɔnyaan ti Luk ŋmee ti na 6:27 - UWONBƆR A GBƆNPƆŊ LIKƆƆNL

²⁷ “N bei nim ban pelig n bɔr nan le: Ni li jiɛ ni dataam, ki li tun nan ŋan ki tenn ban nan ni.

Uwumbɔr aagbaŋ

²⁷ “M tuk nimi bi pel na, ni li gee nimi aadim man, ki ŋa binib bi nan nimi na tiŋann,

Tibɔnyaan ti Luk ŋmee ti na 6:27 ပူးပေါင်းရင်းမြစ်များ

Tibɔnyaan ti Mak ŋmee ti na 4:24

Le ki ji bei bi ke, “Ni mann ki pel naah gbir tibɔr tan nan nbamɔma. Naah magir man ki tenn nin, man mu le bi na yin mag ki jiin ni, ke nin jo man.

Tibɔnyaan ti Luk ŋmee ti na 23:34

Le Yisa ke, “N Baa, jiɛn bi bir ki per ba, nan bu-n baa nyi baah tun nan ni.” Le bi nan tɔn inaa ki por u wan yɔɔr.

Tibɔnyaan ti Luk ŋmee ti na 6:22

Tikaar be ni bu, n-yonn man wee bininfob nan ni, n-yonn man wee bininfob wiɛr ni, ki sugir ni, kaa ban ni yin tibir bu-n, Uninfosaal a Bigin bu.

Tibɔnyaan ti Luk ŋmee ti na 6:35

“Amaa ni li jiɛ ni dataama, ki li tun nan ŋan ki tenn ba, ki li peŋ ba, ki laa tiɛr ke bi li yɔ jiin ni. Ni nyɔɔr na li yab, le ki ji na li ye Uwonbɔr wan be paab nan a buwaab, nan bu-n u ma tun nan ŋan ki tenn ban a num kaa gbee niba nin bipootondam.

Tibɔnyaan ti Luk ŋmee ti na 8:15

Amaa man mu lu ntanŋam a bol nmu nann bininfob ban jɔɔ gbir sei nin ban a sufu ŋan, ban gbir tibɔr, ki ŋmag ti kenken, ki jɔɔ nnyiginim le ki lo iloon.

Tibɔnyaan ti Luk ŋmee ti na 8:18

Mambu, ni li nyi naah gbir man nin. Tɔ, wan jɔɔ ke, u li mann gaa ki kpiɛ, amaa wan kaa jɔɔ ke, u li lann nan wee u tiɛr ke u jɔɔ-n gbaa.”

Tibɔnyaan ti Luk ŋmee ti na 8:8

Le iba mu lu ntanŋam bol, ki pan nbamɔm, ki yabig ki lon jon baah nan bun man ni nfim kokobig.” Yisa kaah nan gaa bi libɔŋal nan ki diɛ n-yonn man ni, le u bei bi ke, “Wan jɔɔ itul ke un gbirim.”

Lituln 10:38

ni biɛn nyi Uwonbɔr kaah gbeen Yisa wan nyan Nazarif nan U pɔɔm man, ki sei u Kasi a Naaŋ nin npɔɔn nin waah nan choon ki tun itoon ŋan ki teb ban biɛn nan be ulinlarin a pɔɔmin ni, nan bu-n Uwonbɔr le nan be u ban.

Lituln 16:28

Amaa le Pɔɔl tiɛn ki ke, “Laa sei a baa kidaŋi! Ti biɛn be doo!”

Lituln 7:60

Le ki gbaan le ki yin nkukɔpɔɔn ke, “Uyudaan, jiɛn bi bir ki per ba.” U len man le ki sin kpo.

Galantiya 6:10

Mambu, taah kan nsan nin ti li tun itoon ŋan, ni che ti li tun itoon ŋan ki tenn bininfob biɛn na, naah dii tɔɔ ban bu le ye ban ye biwonjiɛm a niin yaab.

1 Tesalonika 5:15

Ni laa che uba nta tibir ki yɔ tibiri, amaa ni pɔɔn niba ki li jɔɔ nbinben ŋan nin tab nin uninfo biɛn.

3 Jɔnn 1:11

N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.