Tibɔnyaan ti Luk ŋmee ti na 6:13 - UWONBƆR A GBƆNPƆŊ LIKƆƆNL

¹³ Naah nan wonn njakpanyiɛn ni, le u nan yin u bɔɔnɔɔb le ki gann binib piig nin bilee ki yin bi ke u tooi:

Uwumbɔr aagbaŋ

¹³ Naah woln kichakpinaanyeek ni na, le u yin waadidiliib ke bi dan u chee, le ki nyan bi ponn ni bijab kipiik ni bilee, ki yin bi ke waakpambalb.

Tibɔnyaan ti Luk ŋmee ti na 6:13 ပူးပေါင်းရင်းမြစ်များ

Matiu 10:2

U tooi piig nin bilee nmɔn a yin sɔ: Chinchinn le ye Simɔnn, (wan a yinl ji ye Piita nan), nin u waal Anduru, ki kpiɛ Jemisi nin Jɔnn ban nan ye Zebedi a naachim nan,

Matiu 19:28

Le Yisa bei bi ke, “N bei ni ibamɔn le, n-yonn man wee Uninfosaal a Big nan kal u naangbann bu nin npɔɔn takpen, dulinya pɔŋ n-yaan ke, nim ban ye n bɔɔnɔɔb nan mu na yin kal tinaangbann piig nin tilee bu le, ki li ji Iziral yaab piig nin bilee a bɔr.

Matiu 9:36

Waah nan kan kuninfogbaluŋin, le kunyunyunbaag choo u, nan bu-n ni nan mugir bi le bi be kaa jɔɔ wan li ter bi, ki nann ipee yan kaa jɔɔ upeekpaari.

Tibɔnyaan ti Mak ŋmee ti na 6:30

Ni bɔɔn bu le Yisa a tooi nan jirin u ban ki nan bei u baah tan tun nan biɛn, ki sin ji wɔɔn bininfob man.

Tibɔnyaan ti Mak ŋmee ti na 6:7

le ki nan nan lagin u tooi piig nin bilee ki sei bi npɔɔn ke bin nyan nnaanbiim bininfobin, u nan tun bi bilee lee bilee lee le.

Tibɔnyaan ti Luk ŋmee ti na 11:49

Mambu le Uwonbɔr nin U lamgɔrikaam bei ke, “N li tun n linlem nin n tooi bi ban, bi li ku bi bam le ki mugir bitab.’

Tibɔnyaan ti Luk ŋmee ti na 22:30

wee ni li fir ji ki nyu n ban n naamin, ki nan kal tinaangbann bu ki ji Iziral yaab a bol piig nin ilee-n tibɔr.”

Tibɔnyaan ti Luk ŋmee ti na 6:14

U nan gann Simɔnn (wan wee u nan yi u ke Piita nan) nin Simɔnn a waal Anduru, nin Jemisi, nin Jɔnn, nin Filib, nin Batolomiu,

Jɔnn 4:33

Le u bɔɔnɔɔbin nin baan tab, “Ke uba li ta tijiir ki nan sei u bee?”

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.

Efesusi 2:20

lifiɛl lan wee Yisa a tooi nin bilinlemin nan tɔɔn li bu-n, li ma bu le n mu tɔɔn le Yisa Masiya ye litangbagil lan ye lifiɛl nmɔn a pɔɔm.

Efesusi 4:11

Uma nan ta ipiin ki sei bininfosaalib, u gann biba le ki ŋa bi u tooi, le biba mu ye bilinlem, le biba mu ye bimɔleenmɔɔnib, le biba mu ye ban ŋmag biwonjiɛm a laguŋ nin ban wɔɔnn,

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

2 Piita 3:2

N ban ni li tiɛr imɔleen yan wee kasi a linlem nan pag isaŋ yan nan jon nin, nin nsiim man wee ti Yudaau nin ufeerin nan che u tooi yin ta sei nin.

Tibɔkpiirkaan 12:1

Le lijinjeel nin ligaril a siɛra takpenl nan degirin paabin: Le upii uba nan yee nween a li ke likinkenlin, le uŋmal be u taatum, le u chig nnaam a yuchigirig kan jɔɔ iŋmabil piig nin ilee u yul bu.

Tibɔkpiirkaan 18:20

Nim ban be paabaa, ni che ni li mɔ ni u buu! Ni che ni li mɔ na, Uwonbɔr a ninfob nin itoon nin bilinlem, Uwonbɔr jin u tibɔra waah nan ŋa ni man nin bu.’ ”

Tibɔkpiirkaan 21:14

Kitiŋ nmɔn a gonl nan maa tɔɔn ifiɛ piig nin ilee bu le, le Kipeebigin a tooi piig nin bilee-n a yin nan sɔb ki paa ifiɛ nmɔn bu.