Tibɔnyaan ti Luk ŋmee ti na 4:41 - UWONBƆR A GBƆNPƆŊ LIKƆƆNL

⁴¹ U ji nan che nnaanbiim nyan bininfobin takpem. Baah nan nyan diɛ nan le bi tiɛn nmɔpɔɔn ke, “A ye Uwonbɔr a Bija le.” Amaa le u nan fuun bi bu kaa ji nan che bi pag jigin ni, nan bu-n bi nan nyi waah ye Masiya.

Uwumbɔr aagbaŋ

⁴¹ Le tiyayaar mu di binib pam lii, ki teen ke, “Aa ye Uwumbɔr Aajapɔɔn la.” Tiyayaar ngbaan bee ke u ye Kristo u gaa binib lii na. Nima pu le u kae ti, kaa cha ti len tibaa.

Tibɔnyaan ti Luk ŋmee ti na 4:41 ပူးပေါင်းရင်းမြစ်များ

Matiu 26:63

Amaa le Yisa kaa jiin tiba. Le kumanug a yudaau nmɔn mann baan u ke, “Poo Uwonbɔr wan fo nan bu, fin le sin ye Masiya Uwonbɔr a bija-n ke, a bei ti ni.”

Matiu 4:3

Le ulinlaril dan u ban ki nan bei u ke, “Ni ye ke a sin ye Uwonbɔr a Bija ke, a bei itangbag nan wee i kpann tijiir.”

Matiu 8:16

Lidaal nmɔn a jɔɔg, bi nan ta bininfob takpem ban wee nnaanbiim nɔɔ bin ki dan Yisa ban; le u pag limɔbonl ki nyan nnaanbiim nmɔn, le ki ji teb bibaarib nmɔn biɛn.

Matiu 8:29

Le bi tiɛn ki ke, “Fin Uwonbɔr a bija, tim nin fin babu, a dan a nan jin ti fala wee iyoo kaa la foo?”

Matiu 8:4

Le Yisa kpaan u ke, “Li nyi a bei uba tibɔr nan, amaa li chaa Uwonbɔr a minmanu ban ki tan ta a ba ki wɔɔn u, wee ki jin mann kumanug kan wee Moziz nan siin ni, wee ni li ye siɛra.”

Tibɔnyaan ti Mak ŋmee ti na 1:25

Le Yisa tiɛn u bu ke, “Ŋmin tifura wee ki nya u ban na.”

Tibɔnyaan ti Mak ŋmee ti na 1:32

Lidaal nmɔn a jɔɔg nween kaah nan lu-n, ni bɔɔn bu le bininfob nan ŋmag bibaarib nin ban wee nnaanbiim be bi bu nan, ki ta bi ki dan Yisa ban.

Tibɔnyaan ti Mak ŋmee ti na 1:34

U nan teb bininfob ban nan bu iwiɛn biɛn a booli, ki ji nyan nnaanbiim bininfobin takpem, kaa che nnaanbiim nmɔn len tibɔri, bi nan nyi waah ye wan.

Tibɔnyaan ti Mak ŋmee ti na 3:11

Nnaanbiim kaah be bininfob ban bu-n n nan kan u ke, bi lur le ki gbaan u nintogil ki yigin ke, “Fin le ye Uwonbɔr a Bija.”

Tibɔnyaan ti Luk ŋmee ti na 4:39

Le Yisa nan bɔɔn upii-n bu ki fuun kugbanantoŋin bu, le ku jaau; le upii-n paa nan fii ki ŋa bi kuchɔŋ.

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jemisi 2:19

Ni ŋa yada ke Uwonbɔr ye u ba le kpeŋileŋ. Ni ŋan! Nnaanbiim gbaa tɔɔl ŋa yada man le ki san bijawaam.