Tibɔnyaan ti Luk ŋmee ti na 4:25 - UWONBƆR A GBƆNPƆŊ LIKƆƆNL

²⁵ Ibamɔn le n wɔɔn ni, ipukɔɔ takpem le nan be Iziral n-yonn man wee Elaja la nan be-n. N-yonn nmɔn wee utaal kaa nan nun ibin itaa nin iŋmal iloob, le nkom nan lu kitiŋ nmɔn yaab biɛn bu,

Uwumbɔr aagbaŋ

²⁵ “Li pel man, Elaija aayoonn na, utaal aa nan nun ŋibin ŋitaa ni iŋmal iloob. Le nkon sakpem lir kitiŋ ngbaan ni. N‑yoonn ngbaan Israel yaab ponn ni bikpopiib nan bi ki wiir.

Tibɔnyaan ti Luk ŋmee ti na 4:25 ပူးပေါင်းရင်းမြစ်များ

Matiu 20:15

Naa ŋan nin n ta n ligi ki tun maah ban man naa? Bee ni jɔɔ lipiiponl le maah kaa ŋuuŋin buu?’

Tibɔnyaan ti Luk ŋmee ti na 10:21

Iyaayoo nmɔn, Kasi a Naaŋ kaah nan gbeen Yisa ni nmɔn ni, le u ke, “N Baa, paab nin tum a yudaau, n pagiŋ, nan bu-n ŋaah ta tibɔr nan ki woon bilandam nin bibiɛndam, amaa le ki sin kpiir wɔɔn nbuwaab finfim. Nn, n Baa, ŋaah ban nin tun man le yen.

Rom Yaab 9:15

Uwonbɔr nan bei Moziz ke, “Ban wee N ban N san bi kunyunyunbaagin bi ma le N yin san, ban wee N ban N jogirin bi ma le N yin jogir.”

Rom Yaab 9:20

Amaa ke a mu ye ŋmaa, uninfosaalaa, ki pag jiin Uwonbɔr aa? “Niwann nan wee a naan nan li fir bei fin wan naan nin ke, ‘Ba ŋa wee a naanim man naa?’ ”

Efesusi 1:11

Masiya ni le Uwonbɔr nan gann ti mu, ki ta ti kpann U tɔɔl a ninfob nin waah ban niwann biɛn ntun man U bamin,

Efesusi 1:9

Le U kpiir wɔɔn ti nan wee U nan woon lol U bamin ke un tun nin Masiya, U nungbeel a ŋamin nin,

Jemisi 5:17

Elaja nan ye uninfosaal le ke taah ye man nan, u nan miɛ nin linunmanl ke utaal nlaa nu, le utaal kaa sin nan nun kitiŋ nmɔn yaan ki tan kpaa ibin itaa nin iŋmal iloob.

Tibɔkpiirkaan 11:6

Siɛradam nmɔn jɔɔ npɔɔn man li fir choo utaal ke waa li nu n-yonn man wee bi be ki pag ilinlen leen nin; ki ji jɔɔ npɔɔn man li fir che nnyum nkpann ncham, ki ji li fir che imag a booli biɛn dan dulinya bu baah ban man nin.