Tibɔnyaan ti Luk ŋmee ti na 24:47 - UWONBƆR A GBƆNPƆŊ LIKƆƆNL

⁴⁷ le nbinben a kpenim nin tibir a jiɛn per li mɔɔn u yinl bu ki piin Jerusalam ki sei ibol biɛn.

Uwumbɔr aagbaŋ

⁴⁷ Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Tibɔnyaan ti Luk ŋmee ti na 24:47 ပူးပေါင်းရင်းမြစ်များ

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Matiu 3:2

ki ke “Ni jiɛn tibira, nan bu-n paab a naamin a jim mala.”

Matiu 9:13

Amaa ni li chaau ki tan tinn ki biɛ ni taai: ‘N ban linyunyunbasanl le, naa ye kumanugi.’ Nan bu-n maa dan ke n nan yin bibuchim le, amaa tibirdam.”

Tibɔnyaan ti Luk ŋmee ti na 13:34

“Jerusalam, Jerusalam, nim ban ku Uwonbɔr a linlem, ki yɔgir ban wee u tun ni ban ni itangbag ki ku bi. Iyoo biɛn le n gbaar le ke n lagin ni nba, ke ukool kaah lagin u koobum ki ŋa u jiɛgin man ni, le naa ban man ni.

Lituln 10:43

Bilinlem biɛn nan jin u siɛra ke wan biɛn ŋa u yada ke u kan tibir a jiɛn pera u yaa yinlin bu.”

Lituln 11:18

Baah nan gbir man n-yonn man nin, le bi jiɛn tifur, le ki don Uwonbɔr a yinl, ki len ke, “Uwonbɔr che ban kaa ye Juu yaabin kpenn bi binbema, ke bi mu n kan limiɛfol.”

Lituln 13:46

Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban.

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Lituln 26:20

Chinchinn, n mɔɔn Uwonbɔr a bɔr nmɔn le ki sei Damasiko yaab, nin Jerusalam yaab, nin Judiya a tingbɔŋin biɛn. Le ki mɔɔn ti sei ban kaa ye Juu yaab mu. N wɔɔn bi le ke bin kpenn bi binbem wee ki ta biba ki sei Uwonbɔr a, ki li be nbinbem man sin li wɔɔn ke bi kpenn bi binbema.

Lituln 28:28

“Mambu n ban ni biɛ le ke, Uwonbɔr a feeja a bɔr foon ban kaa ye Juu yaab n ban na, le bi li gbir ti!”

Lituln 3:19

Mambu, ni kpenn ni binbema ki dan Uwonbɔr ban, wee un ŋunn ni toonbir, ni ŋa man na wee npɔŋim a yonn nnya Uyudaan ban ki foon,

Lituln 4:12

Nŋmarim kaa be u ba ban ni, le liyinl liba le kaa be dulinya nan yaan wee Uwonbɔr ta sei bininfob ke bin yin ki kan nŋmarimi, see Yisa a binba.”

Lituln 5:31

Le ki don u ki tan kaan U baan tɔɔl a nɔɔjiim paam, ki ŋa u ki Bɔrbig nin Ufeer, ke Iziral yaabin kpenn bi binbema, wee un jiɛn bi toonbir ki per bi.

Rom Yaab 5:20

Nsiimin nan kpiɛ le ki che titoonbir pɔr. Amaa le titoonbir kaah pɔr man nmɔn linyunyunbasanlin pɔr jon man na,

Efesusi 1:6

che ti pag Uwonbɔr U jilima nin U nyunyunbasanl lan wee U sei ti yɔli U bijiɛkaagin ni.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

1 Jɔnn 2:12

N buwaab, n sɔb kugbɔŋ nan le ki tenn ni, nan bu-n Masiya a yinl bu ni kan tibir a jiɛn pera.