Tibɔnyaan ti Luk ŋmee ti na 23:11 - UWONBƆR A GBƆNPƆŊ LIKƆƆNL

¹¹ Le Herɔd nin u tɔtogib nan daar u nyɔɔrug. Le ki nan ta daala ŋaŋ kan peen ki nyagin ki yeen u ki ta u jiin Palati ban.

Uwumbɔr aagbaŋ

¹¹ Le Ubɔr Herod ni waatɔb aajab lik u fam, ki ŋa u mbɔnyun, ki di kikpalk nyaan peen u, ki di u giin Pailat chee.

Tibɔnyaan ti Luk ŋmee ti na 23:11 ပူးပေါင်းရင်းမြစ်များ

Matiu 14:1

Iyaayoo nmɔn le Galilii a bɔrbig Herɔd nan gbir Yisa a bɔr bu,

Matiu 14:3

Tɔ, Herɔd pii nan choo Jɔnn ki lol u ki ta u ki ŋa kuloondiigin, Herɔdiya wan ye u waal Filib a poo-n bu,

Matiu 14:6

Le ubɔr Herɔd a maa daal nan foo, le Herɔdiya a bisa nyann ki nan waa bi nintogil, le ni mɔŋ ubɔr Herɔd takpem,

Tibɔnyaan ti Mak ŋmee ti na 9:12

Le Yisa bei bi ke, “Ibamɔn see ke Elaja chinn, ke un nan mann tiwann yɔɔr biɛn nbamɔm. Ba ŋa wee ni sɔb Uwonbɔr a gbɔŋin ke, Uninfosaal a Big na li ji fala, wee bin yii waa?

Tibɔnyaan ti Luk ŋmee ti na 23:10

Kumanug a ninkpeeb nin ban wɔɔnn Uwonbɔr a siimin nan si niin, ki galin u nin inunman.

Jɔnn 19:5

Yisa kaah nan nyann ki chig ikunkon a yuchigirig nin daala maŋin, le Palati bei bi ke, “Uja nmɔn sɔ.”

Jemisi 2:2

Ni ye uba dan ni laguŋin ki yee tiwanŋann nin salima a gbiɛŋ, wee faladaan mu nan kɔɔn ki yee tiwanchar ke,

Jemisi 2:3

ni ye ni sei wan yee tiwanŋann nin jilima ki bei u ke, “Kikaabol ŋaŋ sɔ kalim” amaa wee ki bei faladaan nin ke, “Fin li si doo,” bee “Kalim tum,” ke,