Tibɔnyaan ti Luk ŋmee ti na 21:8 - UWONBƆR A GBƆNPƆŊ LIKƆƆNL

⁸ Le u jiin ke, “Ni li nyi man, wee uba laa lar ni. Nan bu-n bininfob takpem na li dan n yinl bu, ki len ke, ‘Min sɔ,’ bee ‘Iyonn nmɔn mala.’ Ni laa nɔɔ bi.

Uwumbɔr aagbaŋ

⁸ Le u bui bi, “Ni li nyi man, aan ubaa taa ŋmann nimi. Binib pam ga nan dan ki pur maayimbil ke bima le ye min Yesu, ki ga bui ke ni ŋeer a. Ni taa dii bi man.

Tibɔnyaan ti Luk ŋmee ti na 21:8 ပူးပေါင်းရင်းမြစ်များ

Matiu 24:11

le tibɔkar a linlem na li nyann ki nan lar bininfob takpem.

Matiu 3:2

ki ke “Ni jiɛn tibira, nan bu-n paab a naamin a jim mala.”

Matiu 4:17

Iyaayoo nmɔn le Yisa piin ki mɔɔn ke, “Ni jiɛn ni toonbirin na ke paab a naamin malin na.”

Tibɔnyaan ti Luk ŋmee ti na 17:23

Bininfob na li bei ni ke, ‘U be niin! Bee,’ ‘U be do!’ Ni laa gu ki nɔɔ bi.

Tibɔnyaan ti Luk ŋmee ti na 21:7

Le u bɔɔnɔɔb baan u ke, “Wan wɔɔn, iba yoo wee ni biɛn nan li ŋaa? Ba li ŋa limagil ki wɔɔn ke ni biɛn nan mala nin nin ŋaa?”

Tibɔnyaan ti Luk ŋmee ti na 21:9

Ni nan gbir itɔŋ nin ikɔn bu ke, ni laa che nin choo ni bijawaami. Ni nan biɛn na li chinn tun, amaa njoorim nmɔn kaa pa li dan nba bu man ni.”

Jɔnn 5:43

N ta n Baa a yinl le ki dan, le naa gaami; amaa ni ye ke uba ma ta u tɔɔl a yinl ki dan ke, ni li gaa u.

Jɔnn 8:24

N bei ni ke ni li kpo ni birin; ni ye ke naa ŋa yada ke min li ye maah ke n ye wan nin ke, ni le sin yin kpo ni birin le.”

Jɔnn 8:28

Mambu le Yisa nan len ke, “Ni nan yuur Usaal a Big paab ke, tɔ ni li biɛ ke min le ye wan wee n ke n ye-n, le maa ŋaan niba n baantɔɔli amaa n le pag Baa-n kaah nan wɔɔnim man le.

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

Efesusi 5:6

Ni laa che uba n ta tibɔyɔɔr nan ki lar ni, ni ma che Uwonbɔr a ŋuul fii ban kaa jɔɔ limɔcheelin bu.

2 Tesalonika 2:3

Ni laa che uba n ta niba lar ni, lidaal nmɔn kaa la yin foo see ke wan kɔnn nin bininkpeeb nin limɔyiildaan nin nyan npaan ni, wan a binbebol ye nŋmi-n nin.

2 Timoti 3:13

le tininfobir nin bilinlarib a toonbir li mann kpiɛ, le bin lar bitab le bi tab mu nlar bi.

1 Jɔnn 4:1

N jɔtiib ni laa ŋa kinaaŋ biɛn yada, amaa ni mag kinaaŋ biɛn njee ki nyan Uwonbɔr ban na, nan bu-n tibɔkar a linlem takpem dan dulinya nan yaan na.

2 Jɔnn 1:7

Bilinlarib takpem, ban kaa chee ke Yisa Masiya dan nin tigbanann le dulinya nan yaan nin, bi nyan le ki yal dulinya nan yaan. Bininfob nmɔn a bosu ye bilinlarib le nin Yisa a dataam.

Tibɔkpiirkaan 1:3

Wan karin ilinlen leen yan be kugbɔŋ nan a poolin ke tikaar be udaan bu, le ban mu gbir tibɔr nmɔn ki ta ŋa bi sufu ni ke tikaar be bi bu, nan bu-n iyoo mala.

Tibɔkpiirkaan 12:9

Le bi nyan kutunwiɛŋ takpeŋ nmɔn gab, u pii ye uwaa wan nan be le yaayoo-n, wee bi yi u ke ulinlaril bee Sintani, wan liir dulinya yaab a sam ki che bi borin, le bi nyan uma nin u malakam ki gabin dulinya nan yaan.