Tibɔnyaan ti Luk ŋmee ti na 2:9 - UWONBƆR A GBƆNPƆŊ LIKƆƆNL

⁹ Le Uyudaan a malaka nan degir bi bu. Le Uyudaan nmɔn a pag a weem wonn bi bu. Le bijawaam nan choo bi takpem.

Uwumbɔr aagbaŋ

⁹ Le Uwumbɔr aatuun dan bi chee. Le Uwumbɔr aawiihn woln bi pu. Le ijawaan chuu bi sakpen.

Tibɔnyaan ti Luk ŋmee ti na 2:9 ပူးပေါင်းရင်းမြစ်များ

Matiu 1:20

Amaa waah ni nan tiɛr ni niɛ nan bu-n, le Uwonbɔr a malaka degirin u bu tidindɔgin ni, le ki nan bei u ke, “Fin Josef wan ye Defid a yaabil nan, laa san bijawaam ke a ta Meri kun ki tan ŋaa u a poo, nan bu-n waah jɔɔ lipool lan ni, Kasi a Naaŋ a pɔɔm le che u choo lipool nmɔn.

Tibɔnyaan ti Luk ŋmee ti na 1:28

Le malaka nan tan foo Meri ban ki bei u ke, “N pooriŋ. Fin wan wee Uwonbɔr a nyɔɔr be a bu takpem nan, Uyudaan be niŋ.”

Tibɔnyaan ti Luk ŋmee ti na 2:8

Bipeekpaab biba nan be kitiŋ nmɔn yaan ki kpaa ipee kunyiɛg kulɔŋ.

Tibɔnyaan ti Luk ŋmee ti na 24:4

Baah nan si kaa ji nyi baah tiɛr man nin, le libol nmɔn yaan bijab bilee ban nan yee tiwanpenn tan nyagin nan sir bi ban.

Jɔnn 12:41

Nan bu wee Azaya nan len man nin, u nan kan Yisa a paga le ki pag u bu ki wɔɔn.

Lituln 12:7

Libol nmɔn le Uyudaan a malaka degirin, le nwonween wonn kuloondiig nmɔn yaan. Le u dam dam Piita a bɔsipar ki fiin u, ki bei u ke, “Fii weema.” Le tikulorin pir ki lu.

Lituln 27:23

Kunyiɛg n-yaan le n yudaau Uwonbɔr wan yem wee n jiɛn u nan a malaka won jiirin ki nan sir n ban,

Lituln 5:19

Amaa lidaal a nyiɛg le Uyudaan a malaka jiirin ki nan loor kuloondiigin a naanganl, ki nyan itoon nmɔn niin.

2 Korenti 3:18

Amaa tim ban wee likinkenl kaa deg ti num paamin, le ti kan ti Yudaau kaah jɔɔ tiŋann man takpem, le ni kpenn ti le ti nann u, le ti yaa ŋam nmɔn kpiɛg, le tiŋam nmɔn nyan Uwonbɔr wan ye kinaaŋin ban le.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Hiibru Yaab 12:21

Baah nan kan nan nin nan jɔɔ bijawaam le, le Moziz len ke “Bijawaam le jɔɔm le n gbanann jegil.”

Tibɔkpiirkaan 18:1

Ni bɔɔn bu le n ji kan malaka kaah nyan paab ki chaa jiirin. U nan jɔɔ tininkper a pɔɔm takpem. Le u wonweem man nyan u ni wonn dulinya biɛn bu.

Tibɔkpiirkaan 20:11

Le n kan kunaangbɔŋ pɔŋ takpoŋ, nin wan ka ki bu-n. Le kutingbɔŋ nin kitilangbɔŋ nan guun fɔɔr u ban kaa ji jɔɔ binbeboli.