Tibɔnyaan ti Luk ŋmee ti na 2:14 - UWONBƆR A GBƆNPƆŊ LIKƆƆNL

¹⁴ “Kupag ye Uwonbɔr wan be paab nan a yaan le. Nposɔɔn li be dulinya nan a ninfob ban bu wee U nyɔɔr be-n.”

Uwumbɔr aagbaŋ

¹⁴ “Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Tibɔnyaan ti Luk ŋmee ti na 2:14 ပူးပေါင်းရင်းမြစ်များ

Matiu 21:9

Le kuninfogbaluŋ kan lii u samin nin ban nan paa u bɔɔn nin nan yigin ki len ke: “Jilima daan, Ubɔr Defid a yaabil!” “Tikaar be wan chaan Uyudaan a yinl bu-n!” “A ji ye jilima daan le paab!”

Tibɔnyaan ti Luk ŋmee ti na 1:79

Ni na li wonn bininfob ban be libunbɔnlin ki san nkum a jawaam nan bu, Ni ma wɔɔn ti nsan man li sei tim nposɔɔn nan.”

Tibɔnyaan ti Luk ŋmee ti na 19:38

Le ki ke: “Tikaar ye ubɔr yudaan wan dan Uyudaan a yinl bu!” “Nposɔɔn nin kupag be paab le nin ndom!”

Tibɔnyaan ti Luk ŋmee ti na 2:13

Iyaayoo nmɔn le malakam takpem nan nyan paab ki jiirin ki nan kpiɛ malaka n bu ki pagir Uwonbɔr ke,

Tibɔnyaan ti Luk ŋmee ti na 2:15

Le malakam nin nan fɔɔr bipeekpaab nan ban, ki jir don papaab. Le bipeekpaab nan bei tab ke, “Ni che ti jo Betiliham ki tan lig niwann nan tun, wee ti Yudaau Uwonbɔr bei ti nan.”

Tibɔnyaan ti Luk ŋmee ti na 3:22

le Kasi a Naaŋ jiirin u bu nin tigbanann ki nann ulanjel. Le likukɔl nyan paab ki len ke, “Fin le ye n bija, wan wee n jiɛ; fin le n num gbee.”

Jɔnn 14:27

Nposɔɔn li be ni ni; nposɔɔn man be n nin le n ta sei ni. Maa sei ni ke dulinya kaah tenn man nin ni. Ni laa che ni mug ni sufu ki laa san bijawaami.

Jɔnn 17:4

N ŋmagin kupag nan dulinya-n le n nan seiŋ maah diɛ litoonl lan wee A nan ta seim ke n tun nin.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Lituln 10:36

Ni nyi tibɔr tan wee Uwonbɔr nan pag sei Iziral yaab ki wɔɔn bi tibɔŋann tan ye nposɔɔn Yisa Masiya bu, u ma ye ti biɛn a Yudaau.

Rom Yaab 5:1

Mambu, ti yada kan che ti ŋa bininfoŋam Uwonbɔr ban nin, li che ti be Uwonbɔr ban nin nposɔɔn ti yudaau Yisa Masiya bu,

Efesusi 1:6

che ti pag Uwonbɔr U jilima nin U nyunyunbasanl lan wee U sei ti yɔli U bijiɛkaagin ni.

Efesusi 1:9

Le U kpiir wɔɔn ti nan wee U nan woon lol U bamin ke un tun nin Masiya, U nungbeel a ŋamin nin,

Efesusi 2:4

Amaa Uwonbɔr a jiɛm kaah yab ki sei ti-n bu, wan a nyunyunbasanl yab,

Efesusi 2:7

U nan tun ni niɛ ke n-yonn man chaan nan u li wɔɔn uninfo biɛn u nyunyunbasanl lan kaa jɔɔ magimin, ki wɔɔn ti u binbenŋam Masiya bu.

Filipi 2:11

le lilanbil biɛn na li pag npaan ni ke Yisa Masiya le ye Uyudaan, wee Uwonbɔr wan ye ti Baa n kan kupag.

Filipi 2:13

Uwonbɔr le tun nin ni le ki che ni tun ni U bamin ke waah ban ni tun man.

Kolosiya 1:20

Uma bu le Uwonbɔr nan che niwann biɛn jir mɔŋ nin tab, Yisa a cham man nan nyan lidapunpunl bu-n le che nposɔɔn dan.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

Tibɔkpiirkaan 5:13

Le n gbir nan biɛn wee Uwonbɔr nan naan, wee ni be paab, nin kutingbɔŋ nan yaan, nin kitakpiin tiŋ nin nan be nnyumin, nin nan biɛn be i yaan, kaah gaah ilan ki ke, “Ndom nin jilima nin kupag nin npɔɔn li be wan ka kunaangbɔŋin bu nin Kipeebigin bu, hali nin isaŋ yan kaa jɔɔ diɛm.”