Tibɔnyaan ti Luk ŋmee ti na 18:5 - UWONBƆR A GBƆNPƆŊ LIKƆƆNL

⁵ amaa lipukɔɔl nan kaah chaan ki nan mugirim iyoo biɛn nan see ke n sei u ibamɔn, wee u fɔɔr ki sin jiɛnim ke n miɛl fa wa.’ ”

Uwumbɔr aagbaŋ

⁵ Tɔ, ukpopii wee mu aah choo m chee n‑yoonn mɔmɔk ki nan muk mi sakpen pu na, m ga tii u waabamɔn, u taa ki beenin choo nan muk mi kina aan nsui ti nyan mbaa ponn ni.’”

Tibɔnyaan ti Luk ŋmee ti na 18:5 ပူးပေါင်းရင်းမြစ်များ

Matiu 15:23

Le Yisa kaa jiin tiba; amaa le u bɔɔnɔɔb bei u ke, “Ŋɔɔr upii nan na, nan bu-n u nɔɔ ti bɔɔn le kuun.”

Tibɔnyaan ti Luk ŋmee ti na 11:8

N bei ni ibamɔn le, waa yin fii ki sei u tijiir nmɔn waah ye u jɔ-n bu, amaa waah kaa san ifa wee ki miɛ win, see ke u le nan fii ki sei u waah ban man.

Tibɔnyaan ti Luk ŋmee ti na 18:3

Lipukɔɔl mu nan be kitiŋ nmɔn yaan, ki gbaa chaan u ban ki nan bei u ke ‘Seim ibamɔn ni, wee n nya kidataag kan mugirim nan a nɔɔn.’

Tibɔnyaan ti Luk ŋmee ti na 18:39

Le bininfob ban nan lii Yisa a samin tiɛn u bu ke un ŋmin ma, amaa le u mann ki yin nmɔpɔɔn ke, “Defid a yaabil, sam kunyunyunbaag ni!”

1 Korenti 9:27

Aai, n mug n gbanann le ki ŋa ti tiyomir, ke maah mɔɔn tibɔŋannin ki tenn n tab man ni, ni bɔɔn bu min tɔɔl n laa nan lann n yɔri.