Tibɔnyaan ti Luk ŋmee ti na 18:32 - UWONBƆR A GBƆNPƆŊ LIKƆƆNL

³² Bi na li taa u ki sei ban kaa ye Juu yaabin. Bi na li daar u nyɔɔrug, ki sugir u, ki siin timɔsann ki jaar u bu, ki fiɛb u ki nan ku u.

Uwumbɔr aagbaŋ

³² Bi ga di mi ŋa binib bi kaa ye Juu yaab na aaŋaal ni, bi ti ŋa mi mbɔnyun, ki yook mi, ki teei timɔɔtan ŋani m pu,

Tibɔnyaan ti Luk ŋmee ti na 18:32 ပူးပေါင်းရင်းမြစ်များ

Matiu 16:21

Naah nan nyan iyaayoo ki jɔɔ chaa, le Yisa nan piin ki bei u bɔɔnɔɔb ke ni kpaa le ke un jo Jerusalam, amaa kitiŋ a ninkpeeb, nin biminmanib a yudam, nin ban wɔɔnn Uwonbɔr a siim nan, li mugir u takpem ki ku u; amaa iweehn itaa daal Uwonbɔr li fiin u nkumin.

Matiu 20:19

bi na li ta u sei ban kaa ye Juu yaab nan le bin laa u, ki boo u inaalab, ki kpaa u lidapunpunl bu, amaa iweehn itaa daal u li fii nkumin.”

Matiu 22:6

Le ban gurin choo u toontumin ki ŋa bi yɔli yɔli le ki ku bi.

Matiu 26:67

Iyaayoo nmɔn, le bi siin timɔsann ki jaar u bu, ki boo u. Le biba mu pebir u ntapam,

Matiu 27:2

Le bi lol u tikulor ki ta u ki ŋubin ubɔr yudaau wan wee bi yi u ke Palati a nɔɔn.

Tibɔnyaan ti Mak ŋmee ti na 14:65

Le bi ni biba siin timɔsann jaar u bu; le ki piin u num paam le ki pebir u ntapam ki ji baan u ke, “Biɛ njee ŋma pebiŋ ŋaa.” Le ban guu win mu boo u.

Tibɔnyaan ti Mak ŋmee ti na 15:1

Kumanug a ninkpeeb, nin kitiŋ nmɔn a ninkpeeb, nin ban wɔɔnn Uwonbɔr a siim, nin Juu yaab a ninkpeeb biɛn nan lagin njakpanyiɛn, ki lol ilol, le ki baan Yisa tikulor ki ta u jon kitiŋ nmɔn a bɔr ninkpelu wan wee bi yi u ke Palati n ban.

Tibɔnyaan ti Luk ŋmee ti na 18:33

Le ni ween itaa daal u li fii nkumin.”

Tibɔnyaan ti Luk ŋmee ti na 23:1

Le kulaguŋin biɛn nan fii ki ta Yisa jon Palati ban.

Tibɔnyaan ti Luk ŋmee ti na 23:11

Le Herɔd nin u tɔtogib nan daar u nyɔɔrug. Le ki nan ta daala ŋaŋ kan peen ki nyagin ki yeen u ki ta u jiin Palati ban.

Tibɔnyaan ti Luk ŋmee ti na 23:35

Le bininfob nan si ki lig, hali ke biyudam daar u nyɔɔrug. Bi nan ke, “U nan fee biba jaau; ni sin ye ke u ye Uwonbɔr a Masiya, Uninfo gannkaa-n, ke un fee u bau.”

Jɔnn 18:22

Yisa kaah len man nin, le bininkpeebin a ni uba wan mal win peb u kitapag ki ke, “Ŋaah yin pag man ki sei biminmanib a yudaau le yen naa?”

Jɔnn 18:28

Le Juu yaab nyan Yisa Kayafasi ban ki ta u jon Rom yaab a bɔryudaau a naakoon. Ni nan ye njakpiin le, Juu yaab kaah nan yin ji yuglagir a chiigin nin; baa nan chee kɔɔ ubɔr a naakoon wee ki ŋa bi ba tijaginn ke bi kaal kaah wɔɔn man nni.

Jɔnn 18:30

Le bi jiin u ke, “Ni ye waa bi ye wan galin ke, taa bi yin ta u ki nan seiŋi.”

Jɔnn 18:32

Ni niɛ nan tun ke nin gbeen Yisa kaah nan pag ke waah na yin kpo nkum man a bosu nle.

Jɔnn 18:35

Le Palati mu ji baan u ke, “N ye Juu a ninfou lee, a tɔɔl a ninfob nin biminmanib le taaŋ seim. A tun baa?”

Lituln 2:23

Uwonbɔr li nan ta uja nan ŋa ni nɔɔn, ki pii nan bon ki nyi nan na yin ŋa; le ni che tibirdam kpa u lidapunpunl bu le u kpo.

Lituln 3:13

Uwonbɔr wan nan ye Abiraham nin Azig nin Jekɔb nin ti yaajam a Wonbɔru nan, U ma ye wan don U toon tun, Yisa le ni ta u ki ŋubin bi yudam a nɔɔn ke bin ku u, le Palati nan bigin un jaa u, le ni ji yii u Palati a nintogil.