Tibɔnyaan ti Luk ŋmee ti na 16:24 - UWONBƆR A GBƆNPƆŊ LIKƆƆNL

²⁴ Le ujɔɔndaan nan yin u ki ke, ‘Ti Baa Abiraham, sam kunyunyunbaag ni wee ki tun Lazarusi un tan ta u nɔɔbil ki bɔ nnyumin ki nan ma n lanbil wee lin sɔŋ, nan bu-n n be limugilin le nŋmi nan yaan.’

Uwumbɔr aagbaŋ

²⁴ Le u teen, ‘Nte Abraham, m ji falaa sakpen mmii mue ponn ni; san mi kinimbaak, ki tun Lasarus u ti di uŋanbik tu nnyun ki nan di meeh nlambil aan li sɔŋ.’

Tibɔnyaan ti Luk ŋmee ti na 16:24 ပူးပေါင်းရင်းမြစ်များ

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Matiu 3:9

Ni laa tiɛr ke ni li fir bei niba ke, ‘Ti jɔɔ Abiraham wan ye ti yaaja.’ N bei ni le ke Uwonbɔr li fir fiin itangbag nan wee yin kpann Abiraham a yaabili.

Matiu 5:22

Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.

Tibɔnyaan ti Luk ŋmee ti na 16:30

“Le u ke, ‘Aai baa Abiraham, amaa ni ye uba li bi fii nkumin ki jon bi ban ke, ni ma le bi bi li kpenn bi binbem.’

Tibɔnyaan ti Luk ŋmee ti na 19:9

Le Yisa bei u ke, “Dinan feegab foon iniin nan yaan na, nan bu-n uja nan mu ye Abiraham a yaabil le.

Tibɔnyaan ti Luk ŋmee ti na 3:8

Ni li lo iloon yan wɔɔn ke ni sin kpenn ni binbema. Wee ki laa piin ki bei ni ba ke, ‘Ti jɔɔ Abiraham wan ye ti yaaja.’ N bei ni le, Uwonbɔr li fir che itangbag yan be nan n kpann Abiraham a yaabili.

Jɔnn 4:10

Le Yisa jiin u ke, “Ni ye ke a nyi Uwonbɔr a piin nin wan miɛŋ nnyunyukaam nan ke, a bi li baan u le u bin seiŋ limiɛfol a nyum.”

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 7:37

Kuchiig nmɔn a joor daal lan ye lidaal takpenlin, le Yisa nan fii sir paab ki tiɛn npɔɔn bu ke, “Ni ye nnyunyum jɔɔ wan ke, ni che un dan n ban ki nan nyu.

Rom Yaab 4:12

U ma ji ye ban jii bi pun wee kaa be lipunjiil a binba bu amaa wee ki nɔɔ yada a tabogi yan wee ti baa Abiraham nan jɔɔ n-yonn man wee waah laa nan jii u punlin.

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

Jemisi 2:13

nan bu-n, ban kaa san bikpiɛtiib kunyunyunbaagin, Uwonbɔr mu na li ji bi tibɔr kaa yin san bi kunyunyunbaagi. Linyunyunbasanl jon tibɔr a jima.

Jemisi 3:6

Lilanbil mu tɔɔl ye nŋmi le, ki ji ye dulinya nan a bɔbir ki be tigbanann a yagi biɛn, ki tenn tigbanann nmɔn biɛn tijaginn, ki jɔɔ nŋmi nyɔɔr tigbanann nmɔn a binbemin biɛn, le Sintani a ŋmiim man kaa junn nin mu nnyɔɔ lilanbil nmɔn.

Tibɔkpiirkaan 19:20

Amaa bi nan choo kuwanbiig nmɔn na nin tibɔkar a linlenu wan nan sir u taalin wee ki tun ligaril a siɛra-n. Siɛram nan le u nan ta bii ban nan gaa kuwanbiigin a daagim a potiɛl le bi jiɛn u nunaŋin. Bi bilee nmɔn la nan fo le bi ta bi jaa lichibil a ŋmiim a mɔgilin yaan.

Tibɔkpiirkaan 20:15

Ni ye wan a yinl kaa nan sɔb ŋa limiɛfol a gbɔŋin yaan ke, bi nan ti ta u le ki gab nŋmi a mɔgilin yaan.

Tibɔkpiirkaan 22:1

Iyaayoo le malaka nan wɔɔnim nkpen man ye limiɛfol a nyum, ki ween ke niɛnu a maarin, ki puu nyan Uwonbɔr nin Kipeebigin a naangbɔŋin,