Tibɔnyaan ti Luk ŋmee ti na 13:16 - UWONBƆR A GBƆNPƆŊ LIKƆƆNL

¹⁶ Le upii wan ma ye Abiraham a yaabil nan, le Sintani ŋa u tiyomir ibin piig nin iniin, le naa bi kpaa nin n nyan u tiyomir nmɔn yaan likpakɔɔl daal laa?”

Uwumbɔr aagbaŋ

¹⁶ Upii wee ye Abraham aayaabil la, le kinimbɔŋ buu u ŋibin kipiik ni ŋiniin le ki ŋa u u boo gui na. Maah chuu buur u likpaakool daal na, naa ŋan aa?”

Tibɔnyaan ti Luk ŋmee ti na 13:16 ပူးပေါင်းရင်းမြစ်များ

Matiu 4:10

Le Yisa bei u ke, “Fɔr n ban na, Sintani! Nan bu-n ni sɔb Uwonbɔr a gbɔŋin ke: ‘Li jiɛn Uyudaan wan ye a Wonbɔr win, ki li tun tenn u binba.’”

Tibɔnyaan ti Mak ŋmee ti na 2:27

Le Yisa nan mann ki bei bi ke, “Uninfosaal a terim bu le Uwonbɔr siin likpakɔɔl daal nmɔn, amaa naa ye likpakɔɔl daal bu le u nan naan uninfosaali.

Tibɔnyaan ti Luk ŋmee ti na 16:24

Le ujɔɔndaan nan yin u ki ke, ‘Ti Baa Abiraham, sam kunyunyunbaag ni wee ki tun Lazarusi un tan ta u nɔɔbil ki bɔ nnyumin ki nan ma n lanbil wee lin sɔŋ, nan bu-n n be limugilin le nŋmi nan yaan.’

Tibɔnyaan ti Luk ŋmee ti na 19:9

Le Yisa bei u ke, “Dinan feegab foon iniin nan yaan na, nan bu-n uja nan mu ye Abiraham a yaabil le.

Tibɔnyaan ti Luk ŋmee ti na 3:8

Ni li lo iloon yan wɔɔn ke ni sin kpenn ni binbema. Wee ki laa piin ki bei ni ba ke, ‘Ti jɔɔ Abiraham wan ye ti yaaja.’ N bei ni le, Uwonbɔr li fir che itangbag yan be nan n kpann Abiraham a yaabili.

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Lituln 13:26

Le Pɔɔl ji len ke, “N nabum, nim ban ye Abiraham a yaabili, nin nim ban kaa ye Juu yaab wee ki san Uwonbɔr nan, tim bu le bi ta feegab a bɔrin ki sein.

2 Timoti 2:26

wee bi lam n jirin, wee bin ŋmar ki nya ulinlaril a peŋ kan wee u ta pen choo bi wee bi tun u bamin.