Tibɔnyaan ti Luk ŋmee ti na 12:5 - UWONBƆR A GBƆNPƆŊ LIKƆƆNL

⁵ Amaa n li wɔɔn ni naah li san wan. Ni li san Uwonbɔr man, wan li fir ku tigbanann, ki ji jɔɔ npɔɔn man li fir ta ŋa nŋmi man kaa jɔɔ njunim nan yaan. Ibamɔn le n bei ni nan, ni li san waah man.

Uwumbɔr aagbaŋ

⁵ M sur nimi naah ga li san u ijawaan na. Ni li san Uwumbɔr. U yaa ku binib kan, u kpa mpɔɔn ke u di bi ŋa mmii mu kaan junn na ni. Mbamɔn, m tuk nimi la, ni li san uma.

Tibɔnyaan ti Luk ŋmee ti na 12:5 ပူးပေါင်းရင်းမြစ်များ

Matiu 10:28

Ni laa san ban li fir ku ni gbanann, wee kaa sin li fir ku ni naamin ni, amaa ni li san Uwonbɔr wan li fir ku ni gbanann nin ni naam biɛn nŋmi-n ni na.

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Matiu 5:22

Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.

Tibɔnyaan ti Mak ŋmee ti na 13:23

N pii bei ni niwann biɛn na, ke ni yoo kaa la foo. Ni li guu ni ba man.

1 Tesalonika 4:6

ni ma bu tibɔr nan yaan uba laa tun ki bii u kpiɛg bee ki ji u kpiɛg dulimi. Uyudaan li dar bininfosaalib ban biɛn tun tibir nan a booli a tul, ke taah pii chinn bei ni ki kpaan ni man nin.

Hiibru Yaab 10:31

Ni jɔɔ bijawaam le nin uninfo n lu Uwonbɔr wan ye limiɛfoldaan nan a nɔɔn.

2 Piita 2:4

Ni ma bu Uwonbɔr kaa nan jiɛn malakam ban nan tun tibirin nni, amaa le ki nan ta bi jaa nŋmi-n, nan yaan wee ntuton be-n wee bi nan kan tibɔr a jim.

Tibɔkpiirkaan 14:7

Le u pag nin nkukɔpɔɔn ke, “Ni li san Uwonbɔr wee ki li tenn U kupaga, nan bu-n U bɔjil a yoon foou. Ni li jiɛn wan nan naan paab, nin kutingbɔŋ, nin limɔgil nin nnyunbuma.”

Tibɔkpiirkaan 15:4

Ŋma kaa na li saŋa, Uyudaan aa, le ki ta kupag ki sei a yinlaa? Nan bu-n a binba le be kasi. Ibol biɛn na li dan ki nan jiɛniŋ a nintogil, nan bu-n a buchinn toon-yin kpiira.”

Tibɔkpiirkaan 20:14

Le u ta nkum nin kitakpiin tiŋ ki gab nŋmi a mɔgilin yaan. Nŋmi a mɔgil nmɔn le ye nkum man kpiɛ milee.