Tibɔnyaan ti Luk ŋmee ti na 12:32 - UWONBƆR A GBƆNPƆŊ LIKƆƆNL

³² “N ninfob ban kaa yab nan, ni laa san bijawaami, ni Baa Uwonbɔr jɔɔ npopeen nin waah yin jin ni nnaam n bu.

Uwumbɔr aagbaŋ

³² “Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Tibɔnyaan ti Luk ŋmee ti na 12:32 ပူးပေါင်းရင်းမြစ်များ

Matiu 14:27

Amaa libol nmɔn le Yisa bei bi ke, “Ni che ni sufu li pɔɔu! Ni ye min le. Ni laa san bijawaami.”

Matiu 20:16

“Ni ma bu, ban joor bɔɔn na li liin nsan, le ban mu lii nsan na li joor bɔɔn.”

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 7:15

“Ni li nyi tibɔkar a linlem nan bu, ban chaan ni ban ki nann ipee, wee ki sin ye igbingbel bamɔn nan.

Tibɔnyaan ti Luk ŋmee ti na 10:21

Iyaayoo nmɔn, Kasi a Naaŋ kaah nan gbeen Yisa ni nmɔn ni, le u ke, “N Baa, paab nin tum a yudaau, n pagiŋ, nan bu-n ŋaah ta tibɔr nan ki woon bilandam nin bibiɛndam, amaa le ki sin kpiir wɔɔn nbuwaab finfim. Nn, n Baa, ŋaah ban nin tun man le yen.

Jɔnn 18:36

Le Yisa bei u ke, “N naam kaa ye dulinya nan a naami, ni bi ye man ke, n toontum nan bi li kɔn n bu ke Juu yaab kaa li fir choomi. Amaa daandaan nan n naamin yin nyann niba paam le.”

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Lituln 20:29

N nyi ke maa nan be a bɔɔn ke, tibɔkardam ban nann igbingbelin na li dan ni sisiigin, ki bii Uwonbɔr a ninfob.

Rom Yaab 6:23

Titoonbir a nyɔɔr ye nkum le, amaa le Uwonbɔr a piin ye limiɛfol lan kaa jɔɔ ndiɛm ti Yudaau Masiya ni.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

Filipi 2:13

Uwonbɔr le tun nin ni le ki che ni tun ni U bamin ke waah ban ni tun man.

2 Tesalonika 1:11

Naah be ti sufu-n nin bu, le ti miɛ Uwonbɔr ki tenn ni iyoo biɛn, ke ti Wonbɔru n ŋa ni bininfob ŋam ke waah yin ni ki ban ni li be man nin, ki che naah tiɛr nan biɛn n ŋa n ŋam ki sei ni u yaa pɔɔm bu, ki che ni gbaar ni yada a toonlin.

2 Tesalonika 1:5

Ni niɛ biɛn ye siɛra le ki wɔɔn ke Uwonbɔr a bɔjil ŋan, le ni joorimin bi li kan ni ki kpiɛ bininfob ŋamin Uwonbɔr a naam man bu wee ni ji fala nan.

Hiibru Yaab 12:28

Mambu taah gaan nnaam a yerin man kaa li fir dam nan, ni che ti pag Uwonbɔr, ki li jiɛn u nin jilima nin bijawaam,

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

2 Piita 1:11

man le li che ni ga ipoor ŋan ki kɔɔ nnaam man kaa jɔɔ diɛm ti Yudaau nin ti feeru Yisa Masiya nin.

Tibɔkpiirkaan 1:6

le ki che ti ŋa u naam a ninfob nin biminmanib ke ti li jiɛn Uwonbɔr wan ye u Baa-n, u binba le kpaan nin kupag nin npɔɔn iyoo nin iyoo! Ibamɔn.

Tibɔkpiirkaan 22:5

Kunyiɛg kaa ji na yin be nin yaan ni. Baa ji na li ban fila a wonweemi, bee nween a wonweemi, nan bu-n Uyudaan Uwonbɔr na li sei bi nwonween. Le bi na li ji nnaam ki li be hali nin iyoo yan kaa jɔɔ ndiɛm.