Tibɔnyaan ti Luk ŋmee ti na 10:22 - UWONBƆR A GBƆNPƆŊ LIKƆƆNL

²² N Baa le ta ni nan biɛn ki seim; uba kaa nyi Bija-n kaah ye wan ni see Baa nmɔn a binba, le uba mu kaa nyi Baa nmɔn kaah ye wan ni see Bija-n nin ban mu wee Bija-n gann ki kpiir ki wɔɔn ni.”

Uwumbɔr aagbaŋ

²² “Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn aah ye udaan u na, see Nte Uwumbɔr. Ubaa mu aa nyi Nte Uwumbɔr aah ye udaan u na, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.”

Tibɔnyaan ti Luk ŋmee ti na 10:22 ပူးပေါင်းရင်းမြစ်များ

Matiu 11:25

Iyaayoo nmɔn le Yisa len ke, “N Baa wan ye paab nin tum a Yudaau nan, n pooriŋ, nan bu-n a ta a bɔrin ki woon bilandam nin bibiɛndam, amaa le ki kpiir ti ki wɔɔn nbuwaab finfim;

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 10:15

a li ke Baa-n kaah nyim man nin wee n mu nyi Baa-n, le n ta n miɛfol kpenn ipee-n.

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 17:10

Maah jɔɔ ban ye A yaab le, le Ŋaah jɔɔ ban nin biɛn ye n yaab. Le n kan kupag bi ban.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 17:26

N che bi biɛŋa, le ki li che bin mann biɛŋ naah li ŋa man wee Ŋaah jiɛm man nin li be nin bi wee n mu tɔɔl li be nin bi.”

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 3:35

Baa-n kaah jiɛ Bija-n bu le u ta niwann biɛn ki ŋa u nɔɔn.

1 Korenti 15:24

Ni bɔɔn bu le dulinya a diɛm nfoon, u nan nyaŋ nnaam kaah ye niwann nan biɛn nin mi pɔɔm ke ni bɔɔn bu u yin ta nnaamin ki ŋa u Baa Uwonbɔr a nɔɔn le.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

Efesusi 1:21

niin le Masiya be ki jɔɔ npɔɔn man jon nnaam a pɔɔm, ki jon tininkper a pɔɔm, ki jon ipɔɔn biɛn, nin nnaam a yerin, ki jon iyin yan be daandaan nan nin yan la yin dan n-yonn man chaan nin na.

Hiibru Yaab 2:8

ki ta niwann biɛn ki ŋa u nɔɔn.” Uwonbɔr kaah ta niwann biɛn ki ŋa Yisa a nɔɔn nin, Uwonbɔr kaa nan che niba gur kaa ye u yaan ni. Amaa daandaan nan taa kan waah ye niwann biɛn man ni.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

2 Jɔnn 1:9

Uninfo wan paa lagir wee kaa gbaa be Masiya a wɔɔmin yaan ke, waa jɔɔ Uwonbɔr i; wan gbaa be nwɔɔmin yaan ke, u jɔɔ Baa nin Bija-n le.