Tibɔnyaan ti Luk ŋmee ti na 10:2 - UWONBƆR A GBƆNPƆŊ LIKƆƆNL

² Ke bei bi ke, “Idi beer ki yaba amaa le bidichiɛb kaa yabi. Mambu, ni li miɛ Uyudaan wee Un kpiɛn bidichiɛb, wee bin chiɛ idi nmɔn.

Uwumbɔr aagbaŋ

² U bui bi, “Idi biir le ki wiir. Bidicheeb aa wiir. Nima pu na, ni li mee kisaak aadindaan man ke u tun bidicheeb bi ti chee waajikaar.

Tibɔnyaan ti Luk ŋmee ti na 10:2 ပူးပေါင်းရင်းမြစ်များ

Matiu 20:1

“Nan bu-n Paab a naam nann ukpadaan wan nan chinn nyan njakpanyiɛn ki ban bininfob un ta wee bin tan ko u kpaabin le.

Tibɔnyaan ti Mak ŋmee ti na 13:34

Ni na yin be le ke uja uba kaah yin nya u niin ki jo nsan man fɔg a dann le, ki bei u buwaab ke bi li ŋmag iniin ni nbamɔm le ki por bi biɛn nan nin bi toon, ki sin bei u niin guurin ke u li guu wee ki sin yaar jon u samin le.

Tibɔnyaan ti Mak ŋmee ti na 16:15

Le u ji bei bi ke, “Ni li chaa ki tan mɔɔn tibɔŋann nmɔn ki wɔɔn uninfo biɛn, kutingbɔŋ nan yaan biɛn na.

Tibɔnyaan ti Mak ŋmee ti na 16:20

Man le u bɔɔnɔɔbin nan jon ki tan be ki mɔɔn u bɔŋann nmɔn ilog biɛn, le ti yudaau nmɔn be nin bi, ki che bi tun ligaril a toon, le bi toon nmɔn wɔɔn siɛra ke bi mɔɔn ni nmɔn ye ibamɔn le.

Tibɔnyaan ti Luk ŋmee ti na 9:1

Ni bɔɔn bu le Yisa nan yin u bɔɔnɔɔb piig nin bilee ki lagin tab, le ki sei bi npɔɔn nin tininkper a pɔɔm man wee bi li fir nyan nnaanbiim biɛn, ki sin ji li fir teb iwiɛn biɛn.

Lituln 11:19

Yisa a bɔɔnɔɔb ban nan kan limugil Sitifin a kum a yonn nin, bi nan worin le ki jon ntim man fɔg, ki tan kpaa Fonisiya, nin Saipuru, nin Antiɛg ki jɔɔ Yisa a bɔr ki mɔɔn tenn Juu yaab a binba.

Lituln 13:2

Baah nan be jiɛn Uwonbɔr ki lolig imɔɔŋin, le Kasi a Naaŋ nan bei bi ke, “Ni nyam Banabasi nin Sɔɔl, wee bin tun itoon yan wee N yin bi ke bin tun ni.”

Lituln 13:4

N-yonn nmɔn le Kasi a Naaŋ nan ta bininfob bilee nmɔn ki nyan nsan bu, le ki che bi jon Selesiya ki tan kɔɔ kuŋaluŋ niin ki jon Saipuru.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Lituln 22:21

“Le Uyudaan beim ke, ‘Fin le li chaau; min le yin tuŋ nan fɔg bininfob ban kaa ye Juu yaabin ban.’ ”

Lituln 8:4

Biwonjiɛmin kaah nan yalin, bi ni nan mɔɔn tibɔŋann nin le nan yaan biɛn wee bi jon.

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Filipi 2:21

Ban gurin biɛn a baga be bi baantɔɔl a toon yin le, naa ye Yisa Masiya a toon yin ni.

Filipi 2:25

Amaa n tiɛr ke ni ŋan nin n che n na a big Ipaforɔditusi wan ye n toontunn kpiɛg nin n tɔtog kpiɛg wee ki ji ye ni toom wee ni nan tun u wee u nan terimin n jirin ni ban.

Filipi 2:30

nan bu-n ni nan gur wama nin un kpo Masiya a toon yin bu, ki ta u miɛfol ki tun ki seim naah kaa bi li fir terim nan ni.

Kolosiya 1:29

Ni niɛ nan bu le n tun ki gbaar nin u pɔɔm biɛn man pɔɔ lagir ki be nni ki tun nin.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Tesalonika 5:12

N nabum, ti balin ni le, ni li tenn ban pɔɔn biba ni sisiigin ki ye ni sanliib Uyudaan a samin ki wɔɔn ni nwonjiɛn binben nin jilimau.

2 Tesalonika 3:1

Ni joorimin, n nabum, ni li miɛ Uwonbɔr ki tenn ta wee Uyudaan a bɔrin fir mɔɔn weem wee bin gaa ti nin jilima, ke naah nan gaa ti man nin.

1 Timoti 4:10

(Mambu le ti tun nin linunmanl) nan bu-n ti jɔɔ tama Uwonbɔr wan fo-n ban, wan ye bininfob biɛn a feeru win, naah jann tɔɔ ban bu ye ban ŋa u yada n le.

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.

Filemonn 1:1

Min Pɔɔl, wan ye uloondiikɔɔr Masiya bu-n, nin ti na a big Timoti le sɔb kugbɔŋ nan, Ki tenn ti jɔ kpaarimɔɔn, Filemɔɔn wan ye ti toontunn kpiɛgin,

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Tibɔkpiirkaan 2:1

Le u beim ke, “Sɔb sei Efesusi a wonjiɛm a malaka ke: Wan ŋmag iŋmabil ilile u nɔɔjiimin wee ki choon salima a filaam a tɔɔnbol ilile-n a mɔleen sɔ: