Tibɔnyaan ti Luk ŋmee ti na 1:35 - UWONBƆR A GBƆNPƆŊ LIKƆƆNL

³⁵ Le malaka n bei u ke, “Kasi a Naaŋ li jiirin a bu, Uwonbɔr wan be paab nan a pɔɔm li biin a bu. Ni ma bu ŋaah li maa kibig kan nan yin ye kasi daan le, le bi li yin u Uwonbɔr a Bija.”

Uwumbɔr aagbaŋ

³⁵ Le u bui u, “Uwumbɔr Aafuur Nyaan ga sunn ni aa pu. Uwumbɔr u kaa kpa ŋeen aatɔ na aapɔɔn ga cha aa dek lipuul. Nima pu na, saah ga maa ubo u na ga li ye chain. Bi ga yin u ke Uwumbɔr Aajapɔɔn la.

Tibɔnyaan ti Luk ŋmee ti na 1:35 ပူးပေါင်းရင်းမြစ်များ

Matiu 1:18

Baah nan ma Yisa Masiya man sɔ: U na Meri nan ye Josef a jakpeŋ le, amaa baa la nan kɔɔn tabi, le bi nan kan ki miin Meri jɔɔ lipool le. Kasi a Naaŋ a pɔɔm bu.

Matiu 1:20

Amaa waah ni nan tiɛr ni niɛ nan bu-n, le Uwonbɔr a malaka degirin u bu tidindɔgin ni, le ki nan bei u ke, “Fin Josef wan ye Defid a yaabil nan, laa san bijawaam ke a ta Meri kun ki tan ŋaa u a poo, nan bu-n waah jɔɔ lipool lan ni, Kasi a Naaŋ a pɔɔm le che u choo lipool nmɔn.

Matiu 14:33

Le ban be kuŋaluŋin a poolin ni dan ki nan gbaan ki jiɛn Yisa ki ke, “Ibamɔn a sin ye Uwonbɔr a Bija le.”

Matiu 27:54

Bitɔtogibin a ninkpelu nin bitɔtogib ban kpiɛ u bu ki guu Yisa kaah kan kutingbɔŋ kaah damin nin nan biɛn tun ni, le bijawaam choo bi takpem, le bi len ke, “Ibamɔn buu, uja nan sin ye Uwonbɔr a Bija le.”

Matiu 4:3

Le ulinlaril dan u ban ki nan bei u ke, “Ni ye ke a sin ye Uwonbɔr a Bija ke, a bei itangbag nan wee i kpann tijiir.”

Tibɔnyaan ti Mak ŋmee ti na 1:1

Tibɔŋann tan pag ki jiin Uwonbɔr a Bija Yisa Masiya paamin a piinim.

Tibɔnyaan ti Mak ŋmee ti na 1:24

“Fin Yisa, Nazarif a ninfou nan tim nin fin babu? A dan ke a nan bii ti lee? N nyi ŋaah ye wan, a ye Uwonbɔr a Kasi daan nle.”

Tibɔnyaan ti Luk ŋmee ti na 1:27

ki tan pag sei usapɔɔn wan kaa nyi uja wee bi yi u ke Meri nan. Usapɔɔn nmɔn nan ye uja uba a jakpeŋ le, le u yinl ye Josef. Josef nan ye ubɔr Defid a yaabil le.

Tibɔnyaan ti Luk ŋmee ti na 1:34

Le Meri nan baan Malaka n ke, “N ye usapɔɔn wan kaa nyi uja le, ni yin ŋa nii wee n choo lipool laa?”

Tibɔnyaan ti Luk ŋmee ti na 1:36

Le ki bei u ke, “Lig a nabig Elizabef, u mu jɔɔ kibijabig a pool le. Baah nan yi u ke upiiŋɔɔb nan, u jɔɔ iŋmal iloob a pool le.

Jɔnn 1:34

N nan kan na, le ki jin siɛra ke Uwonbɔr a Bija-n sɔ.”

Jɔnn 1:49

Le Nataniɛl nin len npaan ni ke, “Wan wɔɔn, a ye Uwonbɔr a bija-n le; a ye Iziral a bɔr takpenl le.”

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Lituln 8:36

Baah nan nɔɔ nsan nmɔn ki chaa n-yonn man nin, le bi tan kan nnyum nba kaah dɔ, le lijafaal n bei Filib ke, “Lig nnyum sɔ. Ba yin ŋa wee ŋaa li fum Uwonbɔr a nyunfulaa?”

Rom Yaab 1:4

ki jiin u wonaaŋ paam mu ke, Uwonbɔr a Kasi a naaŋin nan wɔɔn nin npɔɔn ke u ye Uwonbɔr a bija le u kum a fiimin bu: U ma ye ti Yudaau Yisa Masiya.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

Hiibru Yaab 4:15

Taa jɔɔ biminmanib a yudaau wan kaa li fir jogir ti, ti daburigin ni, amaa ti jɔɔ wan nan kan nbiginim niwann biɛn nin, a li ke taah be man nin, amaa waa nan jɔɔ tibiri.