Lituln 9:36 - UWONBƆR A GBƆNPƆŊ LIKƆƆNL

³⁶ Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

Uwumbɔr aagbaŋ

³⁶ Kitiŋ kibaa mu bi, ki bi gbɔk nima chee, bi yin ki ke Jɔpa. Upii u dii Yesu aasan na nan bi nima, bi yin u ke Tabita. Griik aaliin ponn ni, bi yin u ke Dokas. Waayimbil aatataa le ye ke upeeyun. U nan ye litunyaandaan la.

Lituln 9:36 ပူးပေါင်းရင်းမြစ်များ

Matiu 25:17

Man mu le wan nan gaa ilee-n mu ta ŋa kpoŋkpoŋ ki kan salima a bɔɔlim milee tinyɔɔr ki kpiɛ i bu.

Jɔnn 15:5

“Min le ye linyagil; le ni ye ibon. Ni ye ke uninfosaal be nin min wee n be nin u ke, u li lo iloon takpem; naa ye n bu ke naa li fir ŋa niba.

Jɔnn 15:8

Ni nan li ye n Baa a pag, ke ni lo iloon takpem, ki wɔɔn ni ba ke ni ye n bɔɔnɔɔb le.

Lituln 10:23

Le Piita yin bijabin ki ta bi kun u niin le ki ŋa bi u cham. Ni won kutaag le Piita fii ki nɔɔ bi, le biwonjiɛm ban be Jopa n-yaa ni bibaam chiɛn u.

Lituln 10:31

ki len ke, ‘Kɔnelu, Uwonbɔr gbir a miɛm ma, ki li tiɛr a piini yan wee a pu bilanjiimin.

Lituln 10:8

Ki bei bi niwann nan biɛn ŋa, le ki tun bi Jopa a tiŋin.

Lituln 11:13

Le u bei ti malaka kaah foon u niin man ki nan bei u ke un tun uba Jopa, wee un tan yin uja wan wee bi yi u ke Simɔnn, wee u yinl liba ji ye Piita nan.

Lituln 11:5

“N nan be Jopa a tiŋin le ki miɛ Uwonbɔr, le ki kan zii, le n kan niwann niba nyan papaab. Ni nan nann likinkenl le, ki peen, ki jɔɔ imɔgban ina ki jiirin ki nan sir n ban.

Lituln 9:38

Jopa nin Liida kaa nan fɔg nin tabi, le Yisa a bɔɔnɔɔb ban be Jopa gbir ke Piita be Liida, le bi tun bijab bilee u ban ke bin tan balin u ke “Ti baliŋ le ŋa weema ki dan!”

Lituln 9:42

Le bininfob ban biɛn nan be Jopa a tiŋin nan gbir tibɔr nmɔn, le bininfob takpem nan ŋa Uyudaan yada.

Efesusi 2:10

Uwonbɔr le naan tim, Yisa Masiya bu le u sei ti itoon ŋan a binbem, ke ti li tun man wee u pii nan lol ke ti li tun nin na.

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

1 Tesalonika 4:10

Le ni ye ibamɔn le, ni sin ban n nabum man biɛn be Masedoniya a tiŋin nin. Jigin ti balin ni le ke ni mann tun man takpema.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 13:21

un sei ni nan ŋan biɛn wee ni ta tun u bam, ki che ni tinn nan li gbee u num, Yisa Masiya, wan ŋan nin npagim iyoo yan kaa jɔɔ ndiɛm bu. Ibamɔn.

Jemisi 1:27

Liwonjiɛnl lan wee ti Baa a num gbeeg ke li ye kasi kaa jɔɔ tibir ye nan le: Nkpeebim nin ipukɔɔ a terim bi bɔmugkaarin nin choonba ki jiin dulinya nan a ŋmaruŋ paam.