Lituln 8:12 - UWONBƆR A GBƆNPƆŊ LIKƆƆNL

¹² Amaa Filib kaah dan ki nan wɔɔn bi Uwonbɔr a naam a bɔŋann nin, nin Yisa Masiya a yinlin, bijab nin bipiib nan ŋa u yada, le u fun bi Uwonbɔr a nyunful.

Uwumbɔr aagbaŋ

¹² Le Filip dan nan tuk bi Uwumbɔr aanaan aabɔnyaan, ni Yesu Kristo aabɔnyaan ngbaan. Le bi kii waah len pu na. Baah kii waah len pu na, le u muin bi nnyun ni, bijab ni bipiib mɔk.

Lituln 8:12 ပူးပေါင်းရင်းမြစ်များ

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Tibɔnyaan ti Luk ŋmee ti na 9:2

U nan tun bi ke bi li choon ki mɔɔn Uwonbɔr a naamin a bɔra, ki li teb bibaarib ba,

Tibɔnyaan ti Luk ŋmee ti na 9:60

Le Yisa bei u ke, “Che bitakpiibin pii bitakpiib tab. Amaa fin li chaa ki tan mɔɔn Uwonbɔr a naam nan a bɔr.

Lituln 1:3

U fala a jim a bɔɔn, le u ta u baa ki wɔɔn bi ki jin siɛra takpem ke u fo. U nan degir bi bu ki be nin bi iweehn pina ki wɔɔn bi Uwonbɔr a naamin a bɔr.

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 18:8

Le kuwonjiɛndiig nmɔn a yudaau Kerepusi nin u niin yaab biɛn ŋa Uyudaan yada; le Korenti yaab takpem mu gbir u bɔr nmɔn le ki ŋa yada. Le bi fun bi Uwonbɔr a nyunful.

Lituln 19:5

Baah gbir man nin, le bi nin fun bi Uwonbɔr a nyunful, Uyudaan Yisa a yinl bu.

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 2:41

Ban nan chee u bɔr nmɔn ni le bi nan fun bi Uwonbɔr a nyunful. Ban nan kpiɛ bi bu lidaal nmɔn nan foo bininfob turita paama.

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 20:25

“Daandaan nan n nyi ke maah nan choon ki mɔɔn Uwonbɔr a naam a bɔrin ki tenn nim ban nin, ni ni uba kaa ji li kan mi.

Lituln 28:31

U nan mɔɔn Uwonbɔr a naamin a bɔr le, ki wɔɔn bininfob Uyudaan Yisa Masiya a bɔr nin lipoobil le uba kaa ŋɔɔr wi.

Lituln 5:14

Nin nima biɛn ni, le bijab nin bipiib takpem nan ŋa Uyudaan yada le nin kpiɛ bi kanlin.

Lituln 8:4

Biwonjiɛmin kaah nan yalin, bi ni nan mɔɔn tibɔŋann nin le nan yaan biɛn wee bi jon.

Rom Yaab 10:10

Nan bu-n a sufu ni le a ŋa yada le Uwonbɔr ke a bɔr ŋan, a mɔnn le a yaar ki pag le ki kan feegab.

1 Korenti 11:11

Amaa Uyudaan ma ban ke, uja kaa li fir be u ba bu ki jiɛn upii, upii mu kaa li fir be u ba bu ki jiɛn uja.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.