Lituln 4:29 - UWONBƆR A GBƆNPƆŊ LIKƆƆNL

²⁹ Daandaan nan, Uyudaan lig baah fann ti man wee ki ter tim ban ye A toon tun nan wee ti fir pag A bɔr nmɔn nin lipoobil.

Uwumbɔr aagbaŋ

²⁹ Uwumbɔr, lik baah faani timi nfaan pu na. Ter timi saatutum, ki tii timi lipobil, aan ti di tuk binib saabɔr.

Lituln 4:29 ပူးပေါင်းရင်းမြစ်များ

Lituln 13:46

Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban.

Lituln 14:3

Pɔɔl nin Banabasi nan be niin ki yuura, ki jɔɔ lipoobil ki pag Uyudaan a bɔr ki tenn bininfob, le Uyudaan nmɔn sei bi npɔɔn le bi pag u nyunyunbasanl a bɔr, ki tun ligaril a siɛra nin lijinjeel a toon.

Lituln 19:8

Pɔɔl nan be Juu yaab a wonjiɛndiigin iŋmal itaa le, ki pag Uwonbɔr a bɔr ki tenn bi nin lipoobil, ki pɔɔn uba ke un kpenn bi potiɛl ki jiin Uwonbɔr a naamin paam.

Lituln 26:26

Ubɔr Agiripa nyi tibɔr nmɔn, ni ma bu le n pag n wiib ki tenn u. N gaa jin ke tibɔr tan wee n pag nan kaa ye tibɔwoon kaari, nan bu-n taa nan pag ki woon ni.

Lituln 28:31

U nan mɔɔn Uwonbɔr a naamin a bɔr le, ki wɔɔn bininfob Uyudaan Yisa Masiya a bɔr nin lipoobil le uba kaa ŋɔɔr wi.

Lituln 4:13

Biyudam nmɔn kaah nan kan Piita nin Jɔnn kaah jɔɔ sufu pɔɔril man nmɔn, ki biɛ ke bi ye bininfob ban kaa jon ntinnim nbamɔmi, ni nan gar bi le, le bi biɛ ke bijab nan nyi be nin Yisa u.

Lituln 4:21

Baah nan kɔɔn bi bijawaam takpem a bɔɔn, le bi jaa bi ke bi li chaau, baa nan kan nsan man bu wee bi li nɔɔ ki dar bi tuli yi, nan bu-n bininfobin biɛn nan pagir Uwonbɔr le, ligaril a toon lan tun nin bu.

Lituln 4:31

Baah miɛ Uwonbɔr ki diɛ nan, le baah be kudiig kan a poolin nin degin. Le Kasi a Naaŋ gbeen bi biɛn nan, le bi pag Uwonbɔr a bɔr nin lipoobil.

Lituln 9:27

Amaa le Banabasi dan ki nan ta u jon Yisa a toon-yin ban. Ki bei bi Sɔɔl kaah nan kan Uyudaan nsan bu man, nin Uyudaan kaah nan pag sei u man, nin Sɔɔl kaah nan mɔɔn Yisa a yinl nin lipoobil man Damasiko a tiŋin.

Lituln 9:28

Le Sɔɔl lagin be nin bi ki choon u wiib ki gɔnn Jerusalam, ki mɔɔn Uyudaan a yinl nin lipoobil.

1 Korenti 14:13

Mambu wan pag ileen pɔɔn ke un miɛ Uwonbɔr wee un che un fir ki wɔɔn nan wee u pag nmɔn a taai.

2 Korenti 3:12

Mambu taah jɔɔ tama kan nin bu le che ti jɔɔ lipoobil.

Filipi 1:14

N baal nan bu, ni che n nabum takpem ban nɔɔ Uyudaan a samin, pɔɔg bi gbanann ki pag Uwonbɔr a bɔrin nin lipoobil kaa san bijawaami.

1 Tesalonika 2:2

Ni nyi taah nan be Filipi a tiŋin wee bi sugir ti ki jin ti fala man, biba nan gbaar le ke bin gɔɔ ti wɔɔnimin, amaa Uwonbɔr a pɔɔmin le ti kan lipoobil ki mɔɔn U bɔŋann nan ki tenn ni.

2 Timoti 4:17

Amaa le Uyudaan sir n bɔɔn ki seim npɔɔn, wee min bu U bɔrin n fir mɔɔn nbamɔm wee ban kaa ye Juu yaabin ngbir ti. Le u nan nyam ugbegin a mɔn.