Lituln 2:41 - UWONBƆR A GBƆNPƆŊ LIKƆƆNL

⁴¹ Ban nan chee u bɔr nmɔn ni le bi nan fun bi Uwonbɔr a nyunful. Ban nan kpiɛ bi bu lidaal nmɔn nan foo bininfob turita paama.

Uwumbɔr aagbaŋ

⁴¹ Le bi muin binib bi gaa Piita aah len pu na nnyun ni. Liyaadaal ngbaan le binib ŋichur ŋitaa ŋmar, ki kpee bi pu.

Lituln 2:41 ပူးပေါင်းရင်းမြစ်များ

Jɔnn 14:12

N bei ni ibamɔn le, wan biɛn ŋaam yada ke u li tun maah tun man nin. U li tun tiwann tan jon man, nan bu-n n chaa Baa-n ban le.

Jɔnn 21:11

Le Simɔnn Piita don kubulunkpoŋin a poolin ki dar kujanlaaŋin donn likpengonl. Ki nan gbee nin ijan gbingbem le, i biɛn nan lagin ye ijan kobig nin piŋmu nin itaa le, amaa hali nin yaah le nan yab man nmɔn biɛn na kujanlaaŋin kaa nan chiɛ.

Lituln 1:15

Iyaayoo nmɔn le Piita nan fii sir biwonjiɛm ban nan lagin a sisiigin, (bi na li foo bininfob kobig nin pilee paam)

Lituln 13:48

Ban kaa nan ye Juu yaabin kaah gbir man nin, le ni mɔŋ bi, le bi sei Uyudaan a bɔr nmɔn jilima. Le ban wee Uwonbɔr gann ke bin kan limiɛfol lan kaa jɔɔ diɛmin ŋa yada.

Lituln 2:37

Bininfobin kaah nan gbir man ni, le bi sufu nan bii takpem, le bi baan Piita nin u tooi tabin ke, “Ti na a buwaab ti yin ŋa nii?”

Lituln 2:47

ki pag ki don Uwonbɔr a yinl, le uninfo biɛn a sufu sɔɔn bi bu. Le idaa biɛn ke Uyudaan che bininfob mann ga nŋmarim kpiɛg bi bu.

Lituln 27:37

Tim ban nan be kuŋaluŋ nmɔn yaan nan ye bininfob kobilee nin pilile nin biloob le.

Lituln 3:23

Le uninfo wan kaa pelig u bɔr ke, Uwonbɔr li nyan udaan u ninfobin.’

Lituln 4:4

Amaa le bininfob takpem ban gbir Piita a bɔr nmɔn nan ŋa yada, le biwonjiɛm a kanl nan fii ke turiŋmu paam.

Lituln 7:14

Ni bɔɔn bu le Josef nin tun bi ke bin tan ta u baa Jekɔb nin u niin yaab dan Ijibir ni, bi nan ye bininfob pilile nin bi ŋmu le.

Rom Yaab 13:1

Ni kpaa le nin uninfo biɛn n chee sei ubɔr yudaan a ninkper a pɔɔm kaah wɔɔn man, nan bu-n tininkper a pɔɔm li kaa be kaa ye Uwonbɔr kaah siin man ni. Tininkper a pɔɔm man be-n Uwonbɔr le ta mi ŋa.

1 Tesalonika 1:6

Ni nan toog tim nin ti Yudaau a binbem le; nin naah nan ji fala kan nin biɛn yɔli, ni nan gaa tibɔŋann nmɔn le nin npopeen man wee Kasi a Naaŋ ta sei ni-n.

1 Piita 3:20

ban nan jɔɔ limɔyiil iyaayoo yan nan jon nin wee Uwonbɔr nan jin limɔril ki guu bi Nowa a yonn, wee Nowa nan be kpee kuŋaluŋin. Kuŋaluŋ nmɔn yaan bininfob wama le nan kɔɔ ki ye bininfob biniin, bi man nan kan nŋmarim nnyum nmɔn yaan,

Tibɔkpiirkaan 16:3

Le malaka wan kpiɛ bilee mu kpaar nan be u yiigin ni ki jaa limɔgilin, le nnyumin labir ke utakpiir a chamin, le tiwann naan wan tan fo biɛn ki be limɔgil nmɔn yaan nin kpo.