Lituln 16:17 - UWONBƆR A GBƆNPƆŊ LIKƆƆNL

¹⁷ Le kibisiɛgin nɔɔ Pɔɔl nin tim ban gurin a bɔɔn ki tann papaab ke, “Bininfob nan ye Uwonbɔr wan kaa jɔɔ kpiɛg nan a toontum le, le ki bei ni naah li ŋa man ki kan nŋmarim.”

Uwumbɔr aagbaŋ

¹⁷ Le u paan ni ti ni Pɔɔl aapuwɔb, ki tar ke, “Bijab bimina le ye Uwumbɔr u kaa kpa ŋeen aatɔ na aanaagbiib. Bi tuk nimi naah ga ŋa pu ki ŋmar na.”

Lituln 16:17 ပူးပေါင်းရင်းမြစ်များ

Matiu 22:16

Bi nan tun bi bɔɔnɔɔb biba nin Herɔd a ninfob u ban, le bi tan baan u ke, “Wan wɔɔn, ti nyi ke a ye ubamɔn pagir le, ki wɔɔn bininfob Uwonbɔr a bɔr nbamɔm nan bu-n a baga kaa be bininfosaalib kaah ye ban ni.

Matiu 8:29

Le bi tiɛn ki ke, “Fin Uwonbɔr a bija, tim nin fin babu, a dan a nan jin ti fala wee iyoo kaa la foo?”

Tibɔnyaan ti Mak ŋmee ti na 1:24

“Fin Yisa, Nazarif a ninfou nan tim nin fin babu? A dan ke a nan bii ti lee? N nyi ŋaah ye wan, a ye Uwonbɔr a Kasi daan nle.”

Tibɔnyaan ti Mak ŋmee ti na 12:14

Le bi nan foon ki baan u ke, “Wan wɔɔn, ti nyi ŋaah pag ibamɔn, kaa san bijawaam nin bininfob kaah li tiɛr man ni. A biɛ wɔɔn bininfob Uwonbɔr a sam nin ibamɔn, le a baga kaa be nin uninfo kaah ye wan ni. Mambu, bei ti ni, ni ŋan nin ti yɔ lampo ki sei Rom a tiŋ a bɔru Siiza, bee ti laa yɔɔ?”

Tibɔnyaan ti Mak ŋmee ti na 5:7

le ki yigin nkukɔpɔɔn ki ke, “Yisa Uwonbɔr wan be paab nan a Bija, min nin fin babu? Poo Uwonbɔr bu ke, ŋaa li mugirimi!”

Tibɔnyaan ti Luk ŋmee ti na 1:77

ki bei u ninfob baah li ŋa man ki kan nŋmarim waah jiɛn bi bir ki per bin bu.

Tibɔnyaan ti Luk ŋmee ti na 1:79

Ni na li wonn bininfob ban be libunbɔnlin ki san nkum a jawaam nan bu, Ni ma wɔɔn ti nsan man li sei tim nposɔɔn nan.”

Tibɔnyaan ti Luk ŋmee ti na 20:21

Le bininfob penkaab nmɔn baan u ke, “Wan wɔɔn, ti nyi ke a pag ki wɔɔn nan ye ibamɔn, le a mu kaa gann ni, amaa ki wɔɔn Uwonbɔr a bɔr tan ye ibamɔn.

Tibɔnyaan ti Luk ŋmee ti na 4:34

“Fin Yisa wan ye Nazarif a ninfo nan, a ban baa ti ban naa? Aah! A dan ke a nan bii tim lee? N nyi ŋa ye wan, a ye Uwonbɔr a kasi a toom le.

Tibɔnyaan ti Luk ŋmee ti na 4:41

U ji nan che nnaanbiim nyan bininfobin takpem. Baah nan nyan diɛ nan le bi tiɛn nmɔpɔɔn ke, “A ye Uwonbɔr a Bija le.” Amaa le u nan fuun bi bu kaa ji nan che bi pag jigin ni, nan bu-n bi nan nyi waah ye Masiya.

Tibɔnyaan ti Luk ŋmee ti na 8:28

Waah nan kan Yisa nan le u yigin nmɔpɔɔn ki gbaan Yisa a nintogil, ki tiɛn ke, “Yisa wan ye Uwonbɔr wan be paabin a Bija, min nin fin babu? N baliŋ le, laa mugir mi!”

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Lituln 18:26

Le u piin ki pag Uwonbɔr a bɔr nin lipoobil, Juu yaab a wonjiɛndiigin. Le Pirisila nin Akula gbir u bɔr nmɔn, le ki nan ta u kun ki tan mann wɔɔn u Uwonbɔr a sam nbamɔm.

Lituln 19:13

Iyaayoo nmɔn Juu yaab biba mu nan be, ki choon nyan nnaanbiim bininfobin, bi nan yi Uyudaan Yisa a yinl le ke bin nyan nnaanbiim, ki bei nnaanbiimin ke, “Tim le sei ni bimɔb, Yisa wan wee Pɔɔl nan mɔɔn u bɔrin a yinlin bu, ni nyau.”

1 Piita 2:16

Ni li be ke ban ye bi ba-n, amaa ni laa jɔɔ ye nba a binbem nmɔn ki tun tibiri; ki li be ke Uwonbɔr a toontum kaah be man nin.

2 Piita 2:2

Bininfob takpem na li nɔɔ bi fai nmɔn a sam, le ki che ibamɔn a samin kaa jɔɔ jilima.