Lituln 15:6 - UWONBƆR A GBƆNPƆŊ LIKƆƆNL

⁶ Le itoon nin nin bisanliibin lagin tab ki pag ki jiin nbinbaan nmɔn paam.

Uwumbɔr aagbaŋ

⁶ Le Yesu aakpambalb ni Yesu aanib aaninkpiib kuun tɔb chee, ke bi kpokl tibɔr ngbaan.

Lituln 15:6 ပူးပေါင်းရင်းမြစ်များ

Matiu 18:20

Nan bu-n nan yaan wee bininfob bilee bee bita lagin tab n yinl bu-n, n mu li be bi sisiigin nin yaan.”

Lituln 11:30

Le bi sin nan ŋa man, ki ta bi teril nmɔn tun Banabasi nin Sɔɔl, ke bin ta tan sei biwonjiɛn sanliib n na.

Lituln 15:2

Le Pɔɔl nin Banabasi fa bi limɔkpel nin kinimaŋ. Le bi gann Pɔɔl nin Banabasi nin biwonjiɛm bibam, ke bin jo Jerusalam, ki tan kan itoon nin nin bisanliibin ki jiin nbinbaan nmɔn paam.

Lituln 15:22

Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib.

Lituln 15:25

Ni bu le ti chee ki gann bininfob biba bi ma nin ti jɔtiib Banabasi nin Pɔɔl ke bin dan ni ban,

Lituln 15:4

N-yonn man wee bi foon Jerusalam nan, le biwonjiɛm a laguŋ nin Yisa a toon nin bisanliibin gaa bi kuchɔŋ. Le Pɔɔl nin Banabasi bei bi niwann nan biɛn wee Uwonbɔr che bi tun.

Lituln 16:4

Baah nan choon ntimin nin, le bi nan mɔɔn tibɔr tan wee itoon nin bisanliib ban be Jerusalam nan pag choo ki wɔɔn ke bi li nɔɔ-n.

Lituln 21:18

Le ni won kutaag, le Pɔɔl nin tim ban gurin jon ke ti tan poor Jemisi. Biwonjiɛn ninkpeebin mu nan be niin.

Lituln 6:2

Le itoon piig nin bilee-n yin Yisa a bɔɔnɔɔbin biɛn ki lagin tab, ki bei bi ke, “Naa ŋan nin ti jiɛn Uwonbɔr a bɔr a mɔɔnim ki paar tijiir a tolimin ni.

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.