Lituln 11:27 - UWONBƆR A GBƆNPƆŊ LIKƆƆNL

²⁷ Iyaayoo nmɔn le bilinlem biba nyan Jerusalam, ki dan Antiɛg a tiŋin.

Uwumbɔr aagbaŋ

²⁷ N‑yoonn ngbaan le Uwumbɔr aabɔnabtiib bibaa nyan ni Jerusalem, ki dan Antiok aatiŋ ni.

Lituln 11:27 ပူးပေါင်းရင်းမြစ်များ

Matiu 23:34

Mambu n li tun bilinlem nin bilandam nin ban wɔɔnn ni ban, amaa ni na li ku bibam ki kpaa bi tɔ ki boo bibam mu tiwonjiɛndirin, le ki ji ŋɔɔ bi taai ki nya kitiŋ kiba ki jo ki tɔ ni.

Tibɔnyaan ti Luk ŋmee ti na 11:49

Mambu le Uwonbɔr nin U lamgɔrikaam bei ke, “N li tun n linlem nin n tooi bi ban, bi li ku bi bam le ki mugir bitab.’

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 11:22

Biwonjiɛm a laguŋ kan be Jerusalam nan gbir tibɔr nmɔn le ki tun Banabasi jon Antiɛg a tiŋin.

Lituln 13:1

Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl.

Lituln 14:26

Le bi nyan Ataliɛn ki kɔɔ kuŋaluŋ ki jir Antiɛg, nin yaan le bi nan ta bi ŋa Uwonbɔr a nyunyunbasanlin, nin baah tun itoon ki diɛ nbu.

Lituln 15:22

Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib.

Lituln 15:30

Le bi tun bi, le bi jon jir Antiɛg, nin yaan le bi lagin biwonjiɛm a laguŋin biɛn ki sei be kugbɔŋin.

Lituln 15:32

Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu.

Lituln 18:22

Waah tan foo Sizariya n-yonn man nin, le u don tan poor biwonjiɛm a laguŋ, le ki ji jiir Antiɛg.

Lituln 2:17

‘Uwonbɔr nan len ke, dulinya nan a joorimin, n na li kpaar n naaŋin ki jaa bininfob biɛn bu. Le ni bijam nin ni bisiɛm na li pag ilinlen leen, le ni naachipɔm na li kan zii, le ni janinkpeeb mu na li dɔgin tidindɔgin.

Lituln 21:4

Niin le ti kan biwonjiɛm, le ki paar bi ban ki tan kpaa iweehn ilile. Le Kinaaŋ che bi balin Pɔɔl ke, un laa jo Jerusalami.

Lituln 21:9

U nan jɔɔ nbisiɛm mina le ke maa la kun bijabi, le bi pag ilinlen leen.

Lituln 6:5

Ni nan gbee bininfobin biɛn a numa, le bi gann Sitifin, wan gbee nin Kasi a Naaŋ ki jɔɔ yada nan, nin Filib, Pirokorusi, nin Nikanor, nin Timonn, nin Pamenasi, nin Nikolasi, wan nan nyan Antiɛg wee ki kpenn u wonjiɛnl ki nɔɔ Juu yaab a wonjiɛnlin.

1 Korenti 12:10

Kinaaŋ kiba nmɔn le sei uba ligaril a toon a pɔɔm, ki sei uba ilinlen leen a pagim a piini, ki sei uba npɔɔn le u biɛr nnaam a bɔgirim, ki sei uba mu ileen pɔɔn a booli a pagim, le ki sei uba mu ileen pɔɔn nmɔn a kar wɔɔn a pɔɔm.

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 14:32

Bilinlem le ye bi naam a pɔɔm ki fir ŋmag mi.

Galantiya 2:11

Piita kaah nan foon Antiɛg nan, n nan yii u bɔrin le u numin, nan bu-n u le sin nan jɔɔ igalin le.

Efesusi 4:11

Uma nan ta ipiin ki sei bininfosaalib, u gann biba le ki ŋa bi u tooi, le biba mu ye bilinlem, le biba mu ye bimɔleenmɔɔnib, le biba mu ye ban ŋmag biwonjiɛm a laguŋ nin ban wɔɔnn,