Lituln 1:5 - UWONBƆR A GBƆNPƆŊ LIKƆƆNL

⁵ Nan bu-n Jɔnn fun ni nnyum le, amaa naa li yuuri ni li gbee nin Kasi a Naaŋ.”

Uwumbɔr aagbaŋ

⁵ Mbamɔn, Jɔnn nan muin binib nnyun ni. Naan ki yunn, le m ga di Uwumbɔr Aafuur Nyaan gbiin nimi.”

Lituln 1:5 ပူးပေါင်းရင်းမြစ်များ

Matiu 3:11

“Min fun ni nnyum man wɔɔn ke ni jiɛn ni toonbira, amaa wan yin ŋɔɔrin n bɔɔn nan ma jon ma, le maa pii kpaan nin n tu u naatagili, u ma yin fun ni Kasi a Naaŋ nin nŋmi.

Matiu 3:6

Le ki tan kpiir bi toonbir, le u fun bi Uwonbɔr a nyunful Jɔdann a kpenn.

Tibɔnyaan ti Mak ŋmee ti na 1:8

Min fun ni nnyum le, amaa u ma na yin ta Kasi a Naaŋ le ki fu nin Uwonbɔr a nyunful.”

Tibɔnyaan ti Luk ŋmee ti na 3:16

Le Jɔnn jiin bei bi biɛn ke, “Min fun ni nnyum le, amaa wan jom chaan, wan a naatagil ŋmim wee maa kpaan n gbinn ni. U na li fu ni Kasi a naaŋ nin nŋmi ki ŋunn ni jaginn.

Jɔnn 1:26

Le Jɔnn jiin ke, “N jɔɔ nnyum le ki fu bininfob Uwonbɔr a nyunful, amaa uba si ki ŋmar ni ban le naa nyi wi.

Jɔnn 1:31

N baantɔɔl kaa nyi wi, amaa nan bu wee n nan dan ki nan fu bininfob Uwonbɔr a nyunfulin nan ye le ke un bin kpiir u ba ki sei Iziral yaab.”

Jɔnn 1:33

Maah bi li nyi wi, wee naa ye wan nan tunim ke n nan fu bininfob Uwonbɔr a nyunfulin le nan beim, ‘Uja wan wee ni kan Kinaaŋ jiirin ki nan tɔɔn u bu-n le ye wan li ta Kasi a Naaŋ ki fu bininfob Uwonbɔr a nyunful.’

Lituln 10:45

Le ni gar biwonjiɛm ban nan jii bi pun ki chiɛn Piita nan, Kasi a Naaŋ a piin kaah kpaar wur ban kaa ye Juu yaab n mu bu-n.

Lituln 19:4

Le Pɔɔl bei bi ke, “Jɔnn kaah nan fun bininfob Uwonbɔr a nyunfulin, ni wɔɔn ke bin kpenn bi binbem ki jiɛn bi toonbira. Le ki sin bei bi ke bin ŋaam wan yin ŋɔɔrin u bɔɔn nin yada, u ma ye Yisa.”

1 Korenti 12:13

Ti biɛn nan fun Kasi a Naaŋ nmɔn le nin kinaaŋ kiba nin gbanann tiba, ŋaah ye Juu a ninfou bee Girig a ninfou wi, ŋaah ye uyom bee ŋaah ye a ba, Kinaaŋ kiba nmɔn le bi nan ta sei ti nyun.

Taitus 3:5

le U fee ti gab, naa ye ibuchin toon le ti tun ni, amaa U nyunyunbasanl bu. U fee ti gab waah nan fun ti nnyum ki sei ti nmaal pɔɔn nin kinaaŋ pɔŋ Kasi a Naaŋ a pɔɔm bu,