Kolosiya 4:2 - UWONBƆR A GBƆNPƆŊ LIKƆƆNL

² Ni li ta ni ba ki sei liwonmiɛl, ki li guu ni ba ki tenn Uwonbɔr kunɔɔpooga.

Uwumbɔr aagbaŋ

² Tɔ, ni mɔmɔk li beenin mee Uwumbɔr linimaln, ki li nyi ki taa geeni, ki li dooni u mmeen ponn ni,

Kolosiya 4:2 ပူးပေါင်းရင်းမြစ်များ

Matiu 26:41

Ni ligira wee ki li miɛ Uwonbɔr a, wee ki laa nan kɔɔ libiginlin ni. Kinaaŋ ma ban amaa le tigbanann kaa jɔɔ npɔɔn ni.”

Tibɔnyaan ti Mak ŋmee ti na 13:33

Ni li guu man, ki li ka lig naah kaa nyi lidaal man wee n na yin jirin ni bu.

Tibɔnyaan ti Luk ŋmee ti na 18:1

Le Yisa gaa u bɔɔnɔɔb libɔŋal ki wɔɔn bi ke li ŋan ni bi li miɛ Uwonbɔr iyoo biɛn, wee ki laa bagir ki ta jiɛn ni.

Tibɔnyaan ti Luk ŋmee ti na 21:36

Ni li guu nbamɔma, ki sin li miɛ Uwonbɔr wee ni fir guun ŋmar nan biɛn yin ŋa nan, wee ni nan fir ki sir uninfosaal a bija-n a nintogil.”

Lituln 1:14

Bi biɛn nan ti lagin tab le nin bipiib biba nin Yisa a na Meri, nin Yisa a watiib, ki miɛ Uwonbɔr nin potiɛl liba kaa peri.

Rom Yaab 12:12

Ni che ni li mɔ na ni tama ni, ki li jɔɔ limɔril ni bɔr mugkaarin, ki li jɔɔ yada ni wonmiɛlin.

Efesusi 6:18

Ni li miɛ Uwonbɔr Kinaaŋin ki li miɛ U nan yaan biɛn wee ni be nin liwonmiɛl lan a booli biɛn wee ni ban. Ki che ni niɛ nan li be ni sufu ni, ni li guu ni ba wee ki li miɛ ki tenn Uwonbɔr a ninfogannkaabin biɛn na.

Filipi 4:6

Ni laa jɔɔ npotiɛ bii-n ni niwann niba bu, amaa ki li miɛ Uwonbɔr naah ban nan bu, ki li tenn U kunɔɔpoog, ki bei U naah ban nan.

Kolosiya 1:9

Ni niɛ nan bu, lidaal lan wee ti gbir ni bu-n, taa ta Uwonbɔr a miɛm ni bu ki jiɛn ni, le ki le miɛ Uwonbɔr ke Un gbeen ni nnyinyin man ye u bam ki sei ni kinaaŋ a lam nin nbiɛm.

Kolosiya 2:7

ki baan inyaan ki yabig nin uma, ki pɔɔg ni yada-n ke baah nan wɔɔn ni man nin, ki che ni nɔɔpoog li yaba ki tenn Uwonbɔr.

Kolosiya 3:15

Ni che Masiya a posɔɔmin li ŋmag ni sufu, ke naah ye tigbanann tiba a ninfob wee u yin nposɔɔn ni. Ni li tenn Uwonbɔr kunɔɔpooga.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.