Kolosiya 3:8 - UWONBƆR A GBƆNPƆŊ LIKƆƆNL

⁸ Amaa daandaan nan ni kpaa le nin ni choo ni ba nyan ni niɛ biɛn nin, ni ma ye liŋuul, nin kiŋuufiiŋ, nin kininaŋ, nin kutingbiig nin timɔleenbir tan nya ti mɔɔŋi yin.

Uwumbɔr aagbaŋ

⁸ Le naah ye Yesu aanib dandana wee na, ni di titunwanbir ngbaan mɔmɔk lii. Ni taa ki gee liŋuul ki li tar binib pu, ki taa ki li kpa kinanaŋ, ki taa ki seei ŋisiibil, ki taa ki len iliin i kaa ŋan na.

Kolosiya 3:8 ပူးပေါင်းရင်းမြစ်များ

Matiu 5:22

Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.

Tibɔnyaan ti Mak ŋmee ti na 7:22

nin kujaŋuuŋ, nin kininaŋ, nin kularug, nin ijagɔɔr toon, nin lipiiponl, nin kutingbiig, nin kalanbaani ki kpiɛ ijɔr toon.

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

1 Korenti 3:3

Ni le la be le ke dulinya yaabin, ni la jɔɔ lipiiponl le nin limɔkpel ni sisiigin, ni toon kaa be le ke dulinya yaab a toon yaa?

2 Korenti 12:20

N lam yugir nin n dan wee kaa na yin kan ni maah ban ni li be man nni, wee ni mu kaa yin kam naah ban n li be man ni. N san bijawaam le nba ke limɔkpel na li be, bee lipiiponl, bee lijagaal, bee nbɔgirim bee kutingbiig, bee libɔɔnsul bee kalanbaani chɔgiŋ, nin kuŋmaruŋ.

Galantiya 5:15

Ni ye ni gbaa boo tab ki tenn tab ndam ke, ni li nyi ke ni li bii tab.

Galantiya 5:20

nin libawol manil nin kusɔɔg; kininaŋ, likɔnl, lipiiponl, liŋuul, npooton a bam, kumaabiyiɛrug, nbɔgirim,

Galantiya 5:26

Ni laa che ti li jɔɔ kalanbaani nin tab, bee ki fiin tab a ŋuui, bee ki li jɔɔ linunchɔril nin tabi.

Efesusi 4:22

Bi nan wɔɔn ni, ki jiin ni binben kpegimin paam ke, ni nya ni binben kpegimin yaan na, mi ye kɔlisa birug kan lar ni le;

Efesusi 4:25

Mambu ni laa ji por tibɔkar ki tenn tabi, uninfo biɛn li pag ibamɔn ki tenn u kunkɔɔn taba, ke ti biɛn ye tigbanann tiba a ninfob le.

Efesusi 4:26

“Ni ye a ŋuul fii ke a laa tun tibiri”: Ki laa che nween n nan lu wee a ŋuul kaa la sɔŋi,

Efesusi 4:29

Ni laa che tibɔbir nyann ni mɔn ni, amaa ni li pag nan li fir ter ni kpiɛtiib, wee nin ŋa tinyɔɔr ki sei ban peligin.

Efesusi 5:4

Ki jiɛn ifa a geli nin ijɔr leen nin igel pɔɔr yan kaa kpaan ni, amaa nan kpaan nin ti li ŋaan ye liwonpagil le.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

Kolosiya 3:9

Ni laa por tibɔkar ki tenn ni tabi, nan bu-n ni pii pir ni binben kpeg a ŋaarin ki gaba,

1 Timoti 1:13

Hali maah le nan sugir u, ki mugir u, ki pag tibɔbir ki tenn win, u nan sam kunyunyunbaaga, nan bu-n maa nan nyi maah tun nan ni, maah kaa nan jɔɔ yada-n bu.

1 Timoti 1:20

Bi ma ye Hamenasi nin Alɛgzanda, ban wee n ta bi ŋubin Sintani a nɔɔn ke un dar bi tul wee bin jiɛn Uwonbɔr a sugir.

Hiibru Yaab 12:1

Mambu taah jɔɔ siɛradam takpem ban gɔɔn jin ti nan, ni che ti ta nan biɛn li legin ti samin ki gab nin tibir tan fir chor ti-n, ni che ti nyigin ki guun ti taguunl lan dɔ guu ti nan.

Jemisi 2:7

Naa ye bi ma pag ki bii Masiya a yin ŋanl lan wee Uwonbɔr ta sei ni nnaa?

1 Piita 2:1

Mambu, ni jiɛn niwann nan ye kininaŋ nin kularug, nin bilinlarib a toon nin linunchɔril nin kutingbiig a booli biɛn na.

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.

2 Piita 2:7

Le U nan fee Lɔɔr wan nan ye ubuchin wee ban bii nsiimin nan mugir win gab,

Juud 1:13

Bi nann limɔgil a nyungbann tan fii takpemin le, le bi fai a toon nmɔn nann ke bichiib a puugin. Bi nann iŋmabil yan chon jin le. Uwonbɔr pii mann libunbɔnjal le li si guu bi.

Juud 1:8

Man mu jigin, ban dɔgin man nmɔn bii bi baantɔɔl a gbanann le, le ki yiin tininkper a pɔɔm, ki jɔɔ kutingbiig ki tenn paab a wann naan wann tan fo.

Tibɔkpiirkaan 16:9

Nŋmi-n a tuntoŋ nan kɔɔ bi takpem pam, hali ke bi nan sugir Uwonbɔr wan jɔɔ limagil a pɔɔmin a yinl, amaa bi le nan yii le kaa kpenn bi binbem ki pag wi.