Kolosiya 3:3 - UWONBƆR A GBƆNPƆŊ LIKƆƆNL

³ Nan bu-n ni kpou, le ni miɛfol woo Masiya ni le ki be Uwonbɔr ban.

Uwumbɔr aagbaŋ

³ Ba pu? ni naahn ke ni kpo; le nimi aamɔfal kpaan Kristo ni, ki bi Uwumbɔr chee paacham, le u biin li pu.

Kolosiya 3:3 ပူးပေါင်းရင်းမြစ်များ

Matiu 11:25

Iyaayoo nmɔn le Yisa len ke, “N Baa wan ye paab nin tum a Yudaau nan, n pooriŋ, nan bu-n a ta a bɔrin ki woon bilandam nin bibiɛndam, amaa le ki kpiir ti ki wɔɔn nbuwaab finfim;

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Jɔnn 5:40

amaa nin ni ma biɛn yɔli, ni yii le ke naa yin dan n ban ki nan kan limiɛfoli.

Rom Yaab 5:10

Taah nan ye Uwonbɔr a duntiibin, le U bija a kumin bu tim nin U ma jir ki mɔŋ nin tab, nan jon man le ye taah jir mɔŋ nin Uwonbɔr nan, U bija a miɛfolin bu ti li kan fee gab.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

Rom Yaab 6:11

Man nmɔn jigin, ni kan ni ba ki kpiɛ ban kpo ki sei tibirin na, amaa Masiya ni, ni jɔɔ limiɛfol ki sei Uwonbɔr.

Rom Yaab 6:2

Naa li fir ye man ni! Tibir bu ke, ti kpou; ke ni yin ŋa nii wee ti gbaa be tibir nmɔn yaan naa?

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

1 Korenti 2:14

Wan kaa jɔɔ Kinaaŋ nmɔn kaa cheel tibɔr tan nya Uwonbɔr a Naaŋin ban ni, tibɔr nmɔn ye ijɔr leen le ki sei u, le waa li fir biɛ ti taai yi, nan bu-n ti ye kinaaŋ a leen le.

2 Korenti 5:14

Masiya a bamin le ŋmag ti, taah biɛ ke uninfo uba le kpo ki sei bininfob biɛn ni, ni bu bininfob biɛn kpeg le.

2 Korenti 5:7

Yada bu le ti be, taa be ti num kaah ga nan nin bu.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Efesusi 3:9

ki che uninfo biɛn n mann biɛ Uwonbɔr a bɔwoonkaarin a toon kaah ye man, wee Uwonbɔr, wan nan naan niwann biɛn nin, nan ŋmag ti liwoolin n-yonn man nan jon nin.

Filipi 4:7

Le Uwonbɔr a posɔɔm, man yab ki lagir uninfosaal a biɛm bu-n le che ni ŋmag Masiya ni sufu ni nin ni potiɛlin.

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

Kolosiya 2:20

Ni nan lagin ki kpo nin Yisa ki sei kutingbɔŋ a maabiyiɛrugaa, ba ŋaa wee ni la be ke ni ye kutingbɔŋ nan a ninfob lee, ni chee sei kutingbɔŋ nmɔn a siim man ke:

Kolosiya 2:3

uma ban le nlamgɔrikaam nin nnyinyin gbee le ki woo.

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

1 Piita 3:4

Amaa ni che niba a manim li be ni sufu ni, nŋinŋan man kaa wiiri ki be soon nin kinaaŋin, ni ma ye nŋan man wee Uwonbɔr a num gbee takpem.

1 Piita 4:2

Naah ŋa man nin, waa che u binbem a joorim dulinya nan yaan ye tigbanann a kɔlisa, amaa Uwonbɔr kaah ban man.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

Tibɔkpiirkaan 2:17

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u kulɔŋ a boroboro kan woo-n, wee bi yi ke maana-n. N mu ji li sei u litangbag penl lan wee liyinl pɔnl sɔb paan li bu, le wan gaa litangbagil nmɔn a binba le li nyi liyinl nmɔn a taai.”