Kolosiya 3:23 - UWONBƆR A GBƆNPƆŊ LIKƆƆNL

²³ Ni tun nan biɛn ke, ni li tun nin ni sufu biɛn, ke ni tun tenn Uyudaan le, naa ye uninfosaali,

Uwumbɔr aagbaŋ

²³ Naah ŋani tiwan nimɔk na, ni cha nitafal li bi ni ni, ki tun lituln ke naah ba ga tun tii Tidindaan pu na, naa ye binib.

Kolosiya 3:23 ပူးပေါင်းရင်းမြစ်များ

Matiu 6:16

“Ni ye ni lol imɔɔŋ ke, ni laa bii ni num paam ke bilinlarib kaah ŋaan man nin ni, nan bu-n bi ti bii bi num paam le, ke bininfob biɛn n kan ki biɛ ke bi lol bi mɔɔŋi le. N bei ni ibamɔn le, bi pii gaa bi yɔra.”

Rom Yaab 14:6

Wan ŋa lidaal liba kasi ki tiɛr ke li ŋan jon idaa yan gurin, u ŋaan man ki tenn Uyudaan le jilima. Uninfo wan kaa kɔ tijiir tiba nan, u ji ti ki tenn Uyudaan le jilima, ni ma bu u poor Uwonbɔr le ki nin ji; wan mu kɔ tijiir tibam nan, u kɔ ti ki tenn Uyudaan le jilima, le ki poor Uwonbɔr.

Rom Yaab 14:8

Ni ye ti fo be ke, ti be ki sei Uyudaan le, ni ye ti ji kpo ke, ti kpo ki sei Uyudaan le. Ni ma bu ti fo bee ti kpo ke, Uyudaan le ye ti.

Efesusi 5:22

Biniinpiib, ni taam ni ba ki sei ni chiɛb ke naah ta ni ba ki sei Uyudaan man nin.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 2:13

Ti Yudaau bu, ni li cheel ban wee bininfob siin bi tininkper a pɔɔmin biɛn a mɔɔŋi ya, naah ye ubɔraa wee u pɔɔm jon tininkper a pɔɔm,

1 Piita 2:15

Nan bu-n ni ye Uwonbɔr a wiib le ke ni tun itoon ŋan nan li loon tijɔri tan kaa nyi niba-n a mɔleen.